प्रतिनिधी:आरबीआयच्या प्रसिद्धीपत्रकात म्हटले आहे की आरबीआय केवळ भारतात नाही तर परदेशातही युपीआय (Unified Payment Interface UPI) माध्यमातून व्यवहार सुरळित, सुरक्षित, सोपे, सुकर व्हावे यासाठी परकीय देशातील वित्तीय प्रणालींशी सहकार्य करत नव्या इंटरलिंकेजसाठी कार्यरत आहे असे आरबीआयने म्हटले आहे. माहितीनुसार, आरबीआय (Reserve Bank of India), व एनपीसीआय (National Payments Corporation of India NPCI) यांच्या आसपासातील सहकार्यासह युरोपियन सेंट्रल बँकेशी सहकार्य करत एकत्रित युपीआय कनेक्ट करण्यासाठी मोठ्या पातळीवर बोलणी करत आहे. टार्गेट इन्स्टंट पेमेंट सेटलमेंट (TIPS) प्रणालीतून हे भविष्यात शक्य होऊ शकते.
खासकरून युरोपियन प्रदेशातील नागरिक व भारतातील नागरिक यांच्या वाढत्या प्रतिनिधित्वातून वाढलेला व्यवहार पाहता परदेशी युपीआय सुरु झाल्यास मोठ्या प्रमाणात व्यापारांसह ग्राहकांना दिलासा मिळेल यासाठी आरबीआय प्रयत्न करत आहे. त्यामुळे आता पैसे पाठवण्याची सु़विधा सुकर होऊ शकते.
याविषयी बोलताना आरबीआयने आपल्या नोटिफिकेशनमध्ये म्हटले आहे की,’युरोसिस्टमद्वारे चालवल्या जाणाऱ्या इन्स्टंट पेमेंट सिस्टम, टार्गेट इन्स्टंट पेमेंट सेटलमेंट (TIPS) शी UPI ला जोडण्यासाठी रिझर्व्ह बँक ऑफ इंडिया आणि NPCI इंटरनॅशनल पेमेंट्स लिमिटेड (NIPL) युरोपियन सेंट्रल बँकेशी संपर्क साधत आहेत. रचनात्मक आणि शाश्वत सहभागानंतर, दोन्ही बाजूंनी UPI-TIPS लिंकसाठी अंमलबजावणीचा टप्पा सुरू करण्यास सहमती दर्शविली आहे.प्रस्तावित UPI-TIPS इंटरलिंकेजचा उद्देश भारत आणि युरो क्षेत्रामधील सीमापार रेमिटन्स सुलभ करणे आहे आणि दोन्ही अधिकारक्षेत्रांच्या वापरकर्त्यांना त्याचा फायदा होईल अशी अपेक्षा आहे.
तांत्रिक एकात्मता, जोखीम व्यवस्थापन आणि सेटलमेंट व्यवस्था यासह UPI-TIPS लिंक कार्यान्वित करण्यासाठी रिझर्व्ह बँक ऑफ इंडिया आणि NIPL युरोपियन सेंट्रल बँकेशी जवळून सहकार्य करत राहतील.’
