नवी मुंबई महानगरपालिका पाणीपुरवठा विषयक महत्त्वाची सूचना..

                                                                                                                                                    नवी मुंबई प्रतिनिधी- नवी मुंबई महानगरपालिकेमार्फत कळविण्यात येते की, सोशल मीडियावर प्रसारित होत असलेला ‘नवी मुंबई महानगरपालिका क्षेत्रात सध्या फक्त सकाळी एकदाच पाणीपुरवठा करण्यात येणार आहे’ हा संदेश चुकीचा आहे. त्याबाबतची वस्तुस्थिती खालीलप्रमाणे आहे.    नवी मुंबई महानगरपालिकेने दि. 25/05/2026 रोजी पाणी कपातीच्या अनुषंगाने, प्रसिद्ध केलेल्या अधिकृत पाणी पुरवठा वेळापत्रकानुसारच संपूर्ण नवी मुंबई महानगरपालिका क्षेत्रात दैनंदिन नियमित पाणीपुरवठा महानगरपालिकेमार्फत सुरू आहे, याची सर्व नागरिकांनी नोंद घ्यावी.    तरी, नागरिकांनी दिशाभूल करणा-या अप्रमाणित संदेशांवर विश्वास ठेवू नये व पाणीपुरवठ्याबाबतची माहिती केवळ नवी मुंबई महानगरपालिकेकडून प्रसिद्ध करण्यात येणाऱ्या अधिकृत सूचना व प्रसिद्धीपत्रकांद्वारे अवगत करावी तसेच महानगरपालिकेच्या अधिकृत सोशल मीडिया हॅंडलवरून प्रमाणित माहिती करून घ्यावी असे नवी मुंबई महानगरपालिकेमार्फत सर्व नागरिकांना आवाहन करण्यात येत आहे.

*******