कामगार मंत्री ॲड.आकाश फुंडकर यांच्या हस्ते .डॉ. वाकोडे यांच्या रुग्ण सेवेचा रावणकर हॉस्पिटल येथे शुभारंभ
अकोला : डॉ. मोनिष वाकोडे आणि डॉ. नेहा फाटे (वाकोडे) यांच्या डॉ. रावणकार मल्टीस्पेशलिटी हॉस्पिटल येथील सेवेचा शुभारंभ राज्याचे कामगार मंत्री तथा जिल्ह्याचे पालकमंत्री ॲड आकाश फुंडकर यांच्या हस्ते आज झाला.
अत्याधुनिक वैद्यकीय उपकरणांसह उत्तमोत्तम आरोग्य सेवा येथे उपलब्ध झाल्या आहेत. डॉ. वाकोडे दांपत्याच्या रुग्णसेवेचा गरजू रुग्णांना निश्चित लाभ होईल, असा विश्वास पालकमंत्री ॲड. फुंडकर यांनी यावेळी व्यक्त केला.
डॉ. मोनिष वाकोडे आणि डॉ. नेहा फाटे (वाकोडे), डॉ. दीपक मोरे, दि अकोला अर्बन को-ऑपरेटिव्ह बँकेचे माजी अध्यक्ष रामेश्वर फुंडकर,तुकाराम वाकोडे,डॉ. शंकरराव वाकोडे,इंजि. गजानन फाटे,अॅड. विनोद फाटे,डॉ. अमोल रावणकार आदी उपस्थित होते.
मधुमेह,उच्च रक्तदाब,हृदयविकार,दमा व श्वसन विकार, थायराईड विकार,किडनी विकार,ताप व संसर्गजन्य आजार,स्ट्रोक व आपातकालीन उपचार,लिव्हर चे आजार ,विषबाधा व सर्पदंश,२४ तास अत्यावश्यक सेवा,अतिदक्षता विभाग उपलब्ध करण्यात आल्याची माहिती रुग्णालय व्यवस्थापनाने दिली.
०००
