मांतग समाजातील गुणवंत विद्यार्थ्यांसाठी शिष्यवृत्ती; अर्ज करण्याचे आवाहन
छत्रपती संभाजीनगर, l प्रतिनिधी -साहित्यरत्न लोकशाहीर अण्णाभाऊ साठे विकास महामंडळातर्फे (मर्यादित) मांतग समाजातील गुणवंत विद्यार्थ्यांसाठी शैक्षणिक शिष्यवृत्ती योजना जाहीर करण्यात आली आहे. इयत्ता १० वी, १२ वी, पदवी, पदव्युत्तर, वैद्यकीय व अभियांत्रिकी अशा विविध अभ्यासक्रमांमध्ये शिक्षण घेणाऱ्या आणि सरासरी ६०% किंवा त्यापेक्षा जास्त गुण मिळवलेल्या विद्यार्थ्यांनी २४ जुलै २०२६ पर्यंत जिल्हा व्यवस्थापक कार्यालय, डॉ. बाबासाहेब आंबेडकर सामाजिक न्याय भवन, खोकडपुरा येथे अर्ज सादर करण्याचे आवाहन आहे.
इच्छुक मांतग/मांग समाज व तत्सम १२ पोटजातींमधील पात्र विद्यार्थ्यांनी आवश्यक कागदपत्रांसह आपले अर्ज दि. २४ जुलै २०२६ पर्यंत ‘साहित्यरत्न लोकशाहीर अण्णाभाऊ साठे विकास महामंडळ (मर्या.) जिल्हा कार्यालय, डॉ. बाबासाहेब आंबेडकर सामाजिक न्याय भवन, तळ मजला, शिवाजी हायस्कूलच्या बाजूला, खोकडपुरा, छत्रपती संभाजीनगर’ या पत्त्यावर सादर करावेत. अर्जाचा नमुना कार्यालयात विनामूल्य उपलब्ध आहे.अर्जदारांना अर्जासोबत
जातीचा दाखला, उत्पन्नाचा दाखला, गुणपत्रिका (मार्क मेमो), पुढील वर्षात प्रवेश घेतल्याबाबतची रजिस्ट्रेशन पावती किंवा बोनाफाईड प्रमाणपत्र,मतदान कार्ड, आधार कार्ड आणि रेशन कार्ड,पासपोर्ट साईज फोटो द्यावेत.पात्र विद्यार्थ्यांनी या संधीचा लाभ घ्यावा, असे आवाहन महामंडळाच्या जिल्हा व्यवस्थापकांनी प्रसिद्धी पत्रकाद्वारे केले आहे.
00000
