पंढरपूर येथे माजी नगराध्यक्ष भास्करराव अंबेकर यांचे

श्रीविठ्ठल-रुक्मिणी दर्शन; राज्यात भरपूर पावसासाठी केली प्रार्थना…

 

जालना, प्रतिनिधी : जालना शहराचे माजी नगराध्यक्ष भास्करराव अंबेकर यांनी आषाढीच्या पावन वातावरणात पत्नी सौ.शोभाताई व कन्या नेहा हिच्यासह पंढरपूर येथे

श्रीविठ्ठल-रुक्मिणीचे दर्शन घेऊन विधिवत पूजा केली.

यावेळी त्यांनी राज्यातील शेतकरी, सर्वसामान्य नागरिक आणि मुक्या

जनावरांच्या कल्याणासाठी श्रीविठ्ठल-रुक्मिणी चरणी प्रार्थना केली. मागील

पंधरा दिवसांपासून अनेक भागांत समाधानकारक पाऊस न झाल्याने बळीराजा

चिंतेत असून शेतकरी आभाळाकडे आशेने डोळे लावून बसला आहे. वेळेत पाऊस न

पडल्यास शेतकऱ्यांसह मुक्या जनावरांवरही मोठे संकट ओढवू शकते, करिता

“राज्यात भरपूर व समाधानकारक पाऊस पडू दे, शेतकऱ्यांची पिके बहरून येऊ दे

आणि सर्व जनता सुखी, समृद्ध व निरोगी राहू दे,” अशी श्री विठ्ठल चरणी

मनोभावे प्रार्थना केली.