मुंबईत पुन्हा भीषण आग लागली आहे. मुंबईतील विलेपार्ले परिसरातील इर्ला मार्केट येथील प्राईम मॉलला
मुंबई, प्रतिनिधी : मुंबईत पुन्हा भीषण आग लागली आहे. मुंबईतील विलेपार्ले परिसरातील इर्ला मार्केट येथील प्राईम मॉलला ही आग लागली असल्याती माहिती समोर येत आहे. ही आग इतकी भीषण आहे की दूर-दूरुन दुराचे लोट पहायला मिळत आहेत. आगीची माहिती मिळताच घटनास्थळी अग्निशमन दलाच्या 10 गाड्या दाखल झाल्या आहेत.
आगीची तीव्रता पाहता इर्ला मार्केट परिसरातील रस्ता वाहतुकीसाठी बंद करण्यात आला आहे. हा परिसर अतिशय गजबजलेला असून या परिसरात अनेक दुकाने आहेत. विशेषत: इलेक्ट्रॉनिक वस्तुंच्या विक्रीसाठी हा बाजार ओळखला जातो. ही आग नेमकी कशामुळे लागली याची माहिती मिळू शकलेली नाहीये.
आग अतिशय वेगाने पसरत असल्याचं पहायला मिळत आहे. अग्निशमन दलाने ही लेवल तिनची आग असल्याचं जाहीर केलं आहे. घटनास्थळी अग्निशमन दलाचे जवान दाखल झाले असून आगीवर नियंत्रण मिळवण्यासाठी शर्थीचे प्रयत्न सुरू आहेत.
