मुंबईतही मोठ्या प्रमाणात पोलीस कर्मचारी अधिकारी कोरोनाच्या विळख्यात…
मुंबई प्रतिनिधी: महाराष्ट्रात कोरोनाचे रुग्ण झपाट्याने वाढत आहेत. गेल्या 24 तासांत येथे कोरोनाचे 33,470 रुग्ण आढळले आहेत. एवढेच नाही तर सर्वात चिंतेची बाब म्हणजे महाराष्ट्रातील सर्वाधिक बाधित शहर असलेल्या मुंबईतही मोठ्या प्रमाणात पोलीस कर्मचारी कोरोनाच्या विळख्यात येत आहेत. येथे गेल्या 48 तासांत 114 पोलीस कर्मचार्यांना संसर्ग झाल्याचे आढळून आले आहे. यादरम्यान दोघांना कोरोनामुळे आपला जीव देखील गमवावा लागला आहे. त्याचबरोबर मुंबईत आतापर्यंत 523 पोलिसांना कोरोनाची लागण झाली आहे.
मुंबईत ज्या पोलीस कर्मचाऱ्यांना कोरोनाची लागण झाली आहे. यामध्ये मोठ्या संख्येने आयपीएस अधिकाऱ्यांचाही समावेश आहे. मुंबईत 18 आयपीएस अधिकाऱ्यांना कोरोनाची लागण झाल्याचे समोर आले आहे. यामध्ये 1 सहआयुक्त, 4 अतिरिक्त आयुक्त आणि 13 DCP यांचा समावेश आहे.
