कांदिवलीत पाईप लाईन फुटल्याने लाखो लिटर पाणी रस्त्यावर, वाहतूक ठप्प….
मुंबई प्रतिनिधीमालाड : कांदिवलीमध्ये पाईप लाईन फुटल्याने लाखो लिटर पाणी रस्त्यावर वाहत असून वाया जात आहे. दरम्यान रस्त्यावर साचलेल्या पाण्याचा परिणाम वाहतूकीवर झाला असून वाहतूक ठप्प झाली आहे. दरम्यान नागरिकांची आणि वाहनचालाकांची मोठी तारांबळ होत आहे.
कांदिवली (पु.) सिंग इस्टेट रोड नं. 5 येथील पाण्याची पाईपलाईन फुटली आहे. त्यामुळे लाखो लीटर पाणी वाया जात आहे. रस्त्यावर पाणी साचल्यामुळे परिसरातील वाहतूक ठप्प झाली आहे. दामूनगरकडून ठाकूर व्हिलेजकडे जाणारी वाहतूकीसाठी अडथळा येत आहे. याबाबत स्थानिक नगरसेविका प्रीतम पंडागळे यांच्याशी संपर्क साधला असता पाईप लाईनच्या दुरुस्तीचे काम सुरू असून पालिकेचे अधिकारी लक्ष देत आहेत अशी माहिती त्यांनी दिली.
