एकनाथ शिंदे होणार राज्याचे नवे मुख्यमंत्री; गोव्यात असलेल्या आमदारांनी नृत्य करत साजरा केला …
मुंबई प्रतिनिधी
एकनाथ शिंदे यांच्यासह बंड केलेल्या आमदारांना आता भाजपची साथ मिळाली आहे. काल उद्धव ठाकरे यांनी राजीनामा दिल्यानंतर, आज एकनाथ शिंदेआणि देवेंद्र फडणवीस यांनी राज्यपालांची भेट घेऊन सत्ता स्थापनेचा दावा केला. त्यानंतर संध्याकाळी पार पडलेल्या पत्रकार परिषदेमध्ये एकनाथ शिंदे हे महाराष्ट्राचे नवे मुख्यमंत्री होणार असल्याची घोषणा देवेंद्र फडणवीस यांनी केली
. राज्याच्या राजकारणाला कलाटणी देणारा हा निर्णय असून, साहजिकच यामुळे शिंदे गटामध्ये आनंदाचे वातावरण आहे. गोव्यात असलेल्या आमदारांनी नृत्य करत ही आनंदाची बातमी साजरी केली. सध्या या आमदारांच्या नृत्याचा व्हिडीओ सोशल मिडियावर व्हायरल होत आहे.
