महासंस्कृती महोत्सवांतर्गत कार्यक्रमासाठी कलाकारांनी 31 जानेवारीपर्यंत अर्ज करावेत

 

 

 

सांगली, प्रतिनिधी : महासंस्कृती महोत्सव सन 2023-24 च्या कार्यक्रमाचे आयोजन दिनांक 5 ते 15 फेब्रुवारी 2024 दरम्यान 5 दिवस सांगली / मिरज येथे करण्यात येणार आहे. महासंस्कृती महोत्सवासाठी सांस्कृतिक रंगमंचावरील कार्यक्रम, प्रदर्शनीय दालने व इतर कार्यक्रमांसाठी इच्छुक संस्था, कलाकार संच / समूह यांच्याकडून 31 जानेवारी 2024 पर्यंत अर्ज मागविण्यात आले आहेत. याबाबतची निविदा https://sangli.gov.in या वेबसाईटवर दि. 23 जानेवारी 2024 रोजी प्रसिध्द करण्यात आली आहे, असे जिल्हा समन्वय व संनियंत्रण समितीच्या सदस्य सचिव तथा निवासी उपजिल्हाधिकारी ज्योती पाटील यांनी प्रसिध्दीपत्रकाव्दारे कळविले आहे.

 

कार्यक्रमाचे संक्षिप्त स्वरूपात छाननी समितीसमोर सादरीकरण दिनांक 2 फेब्रुवारी 2024 रोजी दुपारी 3 वाजता आहे. सांस्कृतिक रंगमंचावरील कार्यक्रम सायंकाळी 5 ते रात्री 10 वाजेपर्यंत तर प्रदर्शनीय दालने सकाळी 11 ते रात्री 10 वाजेपर्यंत अशी कार्यक्रमाची वेळ असल्याचे प्रसिध्दीपत्रकात म्हटले आहे.

 

00000