भारतरत्न डॉ. बाबासाहेब आंबेडकर स्वाधार योजनेस 31 मार्चपर्यंत मुदतवाढ

 

 

 

सांगली प्रतिनिधी : भारतरत्न डॉ. बाबासाहेब आंबेडकर स्वाधार योजनेतंर्गत अनुसूचित जाती व नवबौद्ध घटकातील विद्यार्थ्यांचे यापूर्वी 29 फेब्रुवारीपर्यंत अर्ज स्वीकारण्यात आले होते. तथापि या योजनेस मुदतवाढ मिळाल्याने आता विद्यार्थी 31 मार्च पर्यंत अर्ज करू शकतील. या योजनेतंर्गत 11 / 12 वी तसेच बारावीनंतरच्या विद्यार्थ्यांना पुढील शिक्षण घेता यावे म्हणून 43 हजार रुपये तसेच वैद्यकीय व अभियांत्रिकी शाखेतील विद्यार्थ्यांना प्रतिवर्ष 5000 व अन्य शाखेतील विद्यार्थ्यांना 2000 इतकी रक्कम शैक्षणिक साहित्यासाठी ठोक स्वरूपात विद्यार्थ्यांच्या आधार संलग्न बँक खात्यात जमा करण्यात येते. याबाबत अधिक माहितीसाठी संबंधित महाविद्यालयाचे प्राचार्य – मुख्याध्यापक, अधीक्षिका /अधिक्षक, मुलीं – मुलांचे शासकीय वस्तीगृह तसेच जुना बुधगाव रोड सामाजिक न्याय भवन सांगली येथे संपर्क साधावा, असे आवाहन सहाय्यक आयुक्त समाज कल्याण जयंत चाचरकर यांनी पत्रकाद्वारे केले आहे.

 

00000