सुशिक्षित बेरोजगार सेवा सहकारी संस्थेमार्फत कंत्राटी पध्दतीने नेमणूकीसाठीनोंदणीकृत पात्र व इच्छुक सेवा सोसायट्यांनी प्रस्ताव करण्याचे आवाहन

 

 

ठाणे द(जिमाका) : कौशल्य विकास, रोजगार व उद्योजकता, आयुक्तालय, कोकण भवन, नवी मुंबई येथे शिपाईचे ०१ व शासकीय तांत्रिक विद्यालय, मुरबाड येथे सफाईगारचे एकूण ०१ पद सुशिक्षित बेरोजगार सेवा सहकारी संस्थेमार्फत कंत्राटी पध्दतीने नेमणूक करावयाची आहे. त्यानुषंगाने जिल्हा कौशल्य विकास, रोजगार व उद्योजकता मार्गदर्शन केंद्र, ठाणे या कार्यालयात नोंदणीकृत असलेल्या पात्र व इच्छुक सेवा सोसायट्यांकडून दि.१९ जुलै २०२४ रोजीपर्यंत या कामांचे प्रस्ताव सादर करावेत, असे आवाहन ठाणे जिल्हा कौशल्य विकास, रोजगार व उद्योजकता मार्गदर्शन केंद्र सहायक आयुक्त संध्या साळुंखे यांनी केले आहे.

 

प्रस्ताव सादर करताना शासन निर्णय क्र.इएसई-२००३/प्र.क्र.१९१/रोस्वरो-१, दि.१फेब्रुवारी२००६च्या मार्गदर्शनानुसार अटी व शर्तींची पूर्तता करणाऱ्या संस्थांनी चालू वित्तीय वर्षातील लेखा परीक्षण (सन २०२२-२३) सादर करावे. अपूर्ण किंवा अटींची पूर्तता न करणाऱ्या सेवा सोसायट्यांचा विचार केला जाणार नाही, याची नोंद घ्यावी, काम देणाऱ्या आस्थापनांची व त्यांच्या कामाची माहिती त्यांच्या सेवा व शर्ती जिल्हा कौशल्य विकास, रोजगार व उद्योजकता मार्गदर्शन केंद्र, ठाणे या कार्यालयाच्या सूचना फलकावर लावण्यात आली आहे, असेही श्रीमती साळुंखे यांनी कळविले आहे.

 

0000000