बदलापूर येथील आदर्श स्कूल लैंगिक अत्याचार प्रकरणातील आरोपी अक्षय शिंदे याच्या घराची गावकऱ्यांनी केली तोडफोड
ठाणे प्रतिनिधी
बदलापूर येथील आदर्श स्कूल लैंगिक अत्याचार प्रकरणातील आरोपी अक्षय शिंदे याच्या घराची गावकऱ्यांनी तोडफोड करून त्याच्या कुटुंबालाही गावातून हुसकून लावले आहे. आल्याची माहिती समोर येत आहे
शाळेतील अल्पवयीन मुलींसोबत लैंगिक गैरवर्तन आणि अत्याचार (केल्याचा अक्षयवर आरोप आहे. पलिसांनी त्याला अटक केली असून न्यायालयाने त्यास 26 ऑगस्टपर्यंत पोलीस कोठडी सुनावली आहे. पोलिसांनी कारवाई केली असली तरी, स्थानिक पालक आणि गावकरी यांच्या मनात अजूनही संताप कायम आहे. या संतापातूनच गावकऱ्यांनी अक्षयच्या कुटुंबीयांना घरातून बाहेर काढले आणि खरवई गावातूनही हुसकून लावले.
बदलापुरात घडलेल्या या दुर्दैवी घटनेनंतर साडेतीन वर्षे वयाच्या दोन मुलींसोबत झालेल्या लैंगिक अत्याचार आणि गैरवर्तनामुळे गावकरी मोठ्या संख्येने आणि पालक इतके संतप्त झाले की, त्यांनी शाळेची तोडफोड केली. तसेच, बदलापूर स्टेशनवर रेलरोको केला. संपूर्ण बदलापूर यामध्ये सहभागी झाला होता आणि बंदचे आव्हान केले होते परंतु पोलिसांनी कारवाई केली असली तरी, अद्यापही पालक संतप्तच आहेत. गावकऱ्यांच्या मनात राग धुमसतो आहे. या रागातूनच गावकऱ्यांनी आरोप अक्षय शिंदे याचे घर गाठले आणि त्यांनी कुटुंबीयांना बाहेर काढले. त्यानंतर त्याच्या घराची तोडफोड केली, असा दावा अक्षयच्या कुटुंबीयांनी केला आहे
