शालेय विद्यार्थ्यांच्या सुरक्षिततेसाठीठाणे प्रादेशिक परिवहन कार्यालयात एक दिवसीय कार्यशाळेचे आयोजन
ठाणे (जिमाका) : ठाणे प्रादेशिक परिवहन कार्यालयामार्फत शनिवार, दि.२८ सप्टेंबर २०२४ रोजी सकाळी ८.०० वाजता शालेय विद्यार्थ्यांच्या सुरक्षिततेसाठी एक दिवसीय कार्यशाळा आयोजित करण्यात आली आहे.
यात प्रामुख्याने विद्यार्थ्यांशी संवाद साधण्याची शास्त्रीय पध्दती, त्यांचे संरक्षण, वाहतूक नियमांचे पालन, आपतकालीन परिस्थितीमध्ये काय करावे याबाबत सखोल माहिती दिली जाणार आहे. तसेच विद्यार्थ्यांना मानसिकदृष्टया सक्षम करण्यासाठी तज्ञांच्या मार्गदर्शनाखाली विशेष सत्र आयोजित करण्यात येणार आहे.
शालेय विद्यार्थ्यांच्या सुरक्षिततेच्या दृष्टीने सर्व शाळांचे प्राचार्य, मुख्याध्यापक, स्कूल बसचे वाहन-चालक, महिला सहवर्ती तसेच शाळेचे शिक्षकेतर कर्मचारी यांनी या एक दिवसीय कार्यशाळेस उपस्थित रहावे, असे आवाहन ठाणे विभाग प्रादेशिक परिवहन अधिकारी हेमांगिनी पाटील यांनी केले आहे.
0000000000
