पीसीएम जालनाच्यावतीने राजमाता मॉ जिजाऊ आणि स्वामी विवेकानंद यांना अभिवादन
जालना । प्रतिनिधी – येथील कृष्णा प्लाझा, रेल्वे स्टेशन रोडवरील पीसीएम (प्रेस कॉन्सील ऑफ महाराष्ट्र) जालना जिल्हा कार्यालयात जिल्ह्याच्यावतीने राजमाता मॉ जिजाऊ आणि स्वामी विवेकानंद यांच्या जयंतीनिमित्त रविवार (दि 12) रोजी आयोजित कार्यक्रमात त्यांच्या प्रतिमेस पुष्पहार अर्पण करुन अभिवादन करण्यात आले.
प्रेस कॉन्सील ऑफ महाराष्ट्र जालना जिल्ह्याच्यावतीने आयोजित करण्यात आलेल्या जयंती उत्सवात कॉन्सीलचे राज्य सरचिटणीस महेश जोशी यांच्या हस्ते स्वामी विवेकांनद यांच्या प्रतिमेस पुष्पहार अर्पण करण्यात आला. तर राजमाता मॉ जिजाऊ यांच्या प्रतिमेस शेख उमर यांच्या हस्ते पुष्पहार अर्पण करण्यात आला. उपस्थित सर्व पत्रकारांनी मॉ जिजाऊ व स्वामी विवेकानंद यांचा अभिवादन केले. यावेळी प्रेस कॉन्सील ऑफ महाराष्ट्रचे जालना जिल्हाध्यक्ष दीपक शेळके, अच्युत मोरे, महेश बुलगे, शेख इस्माईल, दिनेश नंद, इलियास शेख आदींसह पत्रकारांची उपस्थिती होती.
