नवी मुंबई महानगरपालिका क्षेत्रातील पाणीपुरवठ्याबाबत अत्यंत महत्त्वाची सूचना..

 

       नवी मुंबई प्रतिनिधी – नवी मुंबई महानगरपालिका कार्यक्षेत्रामध्ये पाणीपुरवठा करणारी मोरबे धरणाची २०४२ मिमी व्यासाची मुख्य जलवाहिनी मार्बल मार्केट कळंबोली येथे लिकेज झालेली आहे. त्यामुळे भोकरपाडा जलशुद्धीकरण केंद्र येथून नवी मुंबई महानगरपालिका क्षेत्रास होणारा पाणीपुरवठा दुरुस्ती कामासाठी तातडीने बंद करण्यात आला आहे..

मुख्य जलवाहिनी दुरुस्तीचे काम युद्धपातळीवर सुरू आहे. त्यामुळे नवी मुंबई महानगरपालिका क्षेत्रास व सिडको क्षेत्रातील खारघर व कामोठे येथे होणारा आज संध्याकाळचा पाणी पुरवठा होणार नाही. तसेच उद्या सकाळचा पाणीपुरवठा कमी दाबाने होईल, याची नागरिकांनी कृपया नोंद घ्यावी.

नागरिकांनी पाणी जपून वापरावे व नवी मुंबई महानगरपालिकेस कृपया सहकार्य करावे असे आवाहन करण्यात येत आहे.   अतिरिक्त शहर अभियंता (स्थापत्य    नवी मुंबई महानगरपालिका

000000000