संजय गांधी विभागातील आयटी असिस्टंटच्या मानधन वाढीबद्दल पालकमंत्री यांचा सकारात्मक प्रतिसाद
छत्रपती संभाजीनगर, (प्रतिनिधी) :- महाराष्ट्र राज्यातील सामाजिक न्याय विभागांतर्गत संजय गांधी विभागात कार्यरत 419 आयटी असिस्टंटच्या मानधनात वाढ करण्यात यावी, अशी मागणी महाराष्ट्र राज्य कंत्राटी आयटी असिस्टंट कर्मचारी संघटनेच्या वतीने सामाजिक न्याय मंत्री संजय शिरसाट यांच्याकडे निवेदनाव्दारे करण्यात आली आहे. निवेदनात नमूद करण्यात आले की, 2014 पासून हे कर्मचारी जिल्हाधिकारी व तहसील कार्यालयांमध्य संगणकीय तांत्रिक कार्य पार पाडत आहेत. अत्यल्प मानधन असूनही ते लाभार्थीची माहिती अद्ययावत करणे, डीबीटी पोर्टल, एनसएपी व पीफएमस प्रणालीद्वारे पेंशन वितरण यासारखी महत्त्वाची कामे करत आहेत. मात्र गेल्या दहा वर्षांपासून मानधनात वाढ झालेली नाही. त्यामुळे सेवेला स्थैर्य, शासनमान्य वेतनश्रेणी, वार्षिक वेतनवाढ, सेवा सुरक्षा, भविष्य निर्वाह निधी व वैद्यकीय सुविधांचा समावेश, मानधन थेट शासन स्तरावरून वितरित करावे. असे निवदेन महाराष्ट्र राज्य कंत्राटी आय.टी.असिस्टंट कर्मचारी संघटनेतर्फे अनिल उबाळे, किरणराज पंडित, ज्योती जाधव, योगिता चव्हाण, सीमा शरणागत, कृष्णा पवार, आमेर शेख, करण सोनवणे, पोपट जामकर, आसिफ पठाण यांनी निवेदनाद्वारे करण्यात आली.
00000
