सामाजिक कार्यकर्त्या अंजली दमानिया आज साधणार शेतकरी, कामगारांशी संवाद*
जालना, प्रतिनिधी- परिसरातील रामनगर येथील जालना सहकारी साखर कारखान्याच्या शेतकरी, सभासद, कामगार मजुरांच्या प्रलंबित प्रश्नांबाबत ज्येष्ठ सामाजिक कार्यकर्त्या अंजली दमानिया गुरूवार दि. ३ एप्रिल रोजी दुपारी तीन वाजता कारखाना परिसरातील मऊली लान्स मंगल कार्यालयात संवाद साधणार आहेत. जालना सहकारी साखर कारखान्याचे सुमारे ९ हजारांवर शेतकरी सभासद आहेत. जालना कारखान्याच्या खरेदी -विक्री व्यवहारात मोठा गैरव्यवहार झाल्याची तक्रार दमानिया यांच्याकडे करण्यात आली होती. या तक्रारीची दखल घेउनच दमानिया गुरूवारी शेतकऱ्यांशी संवाद साधणार आहेत. सर्व संबंधित शेतकऱ्यानी यावेळी उपस्थित राहावे, असे आवाहन जालना साखर सहकरी कारखाना बचाव संघर्ष कृती समिती व अंजली दमानिया समर्थकांच्या वतीने करण्यात आले आहे.
