सार्वजनिक, खाजगी क्षेत्रातील आस्थापनांना त्रैमासिक विवरणपत्र तात्काळ सादर करण्याचे आवाहन

            सांगली, प्रतिनिधी) : जिल्ह्यातील सार्वजनिक क्षेत्र व खाजगी क्षेत्रातील आस्थापनांनी 30 सप्टेंबर 2025 अखेरचे त्रैमासिक विवरणपत्र (ई.आर-1) तात्काळ सादर करावे, असे आवाहन जिल्हा कौशल्य विकास रोजगार व उद्योजकता मार्गदर्शन केंद्राच्या सहाय्यक आयुक्त इ. सि. शेख यांनी प्रसिध्दीपत्रकाव्दारे केले आहे.    सेवायोजन कार्यालये (रिक्तपदे सक्तीने अधिसूचित करण्यास भाग पाहणे) अधिनियम 1959 नुसार रिक्तपदे कळविणेबाबत व तिमाही विवरणपत्र ईआर-1 मध्ये मनुष्यबळाची माहिती सादर करणे बंधनकारक आहे.

      सांगली जिल्ह्याच्या कार्यक्षेत्रातील सर्व सार्वजनिक क्षेत्र व खाजगी क्षेत्रातील उद्योजकांनी त्यांच्याकडे कार्यरत असणाऱ्या कर्मचाऱ्यांची माहिती बाबतचे दिनांक 30 सप्टेंबर 2025 अखेरच्या तिमाहीचे विवरणपत्र ईआर-1 https://rojgar.mahaswayam.gov.in या वेबसाईटवरुन ऑनलाईन सादर करावे. अधिक माहितीसाठी जिल्हा कौशल्य विकास रोजगार व उद्योजकता मार्गदर्शन केंद्र, मध्यवर्ती प्रशासकीय इमारत, विजयनगर, सांगली दूरध्वनी क्रमांक 0233-2990383 वर संपर्क साधावा, असे प्रसिध्दी पत्रकात म्हटले आहे.

000000