आरोग्य विभागातील ७ आरोग्य सहाय्यक यांना आरोग्य सेवक या पदोन्नतीचा लाभ

 

ठाणे प्रतिनिधी (जिल्हा परिषद, ठाणे) – जिल्हा परिषदेच्या आरोग्य विभाग अंतर्गत आरोग्य सेवक (पुरुष) या पदावरील ७ कर्मचारी यांना मुख्य कार्यकारी अधिकारी रोहन घुगे यांच्या हस्ते आरोग्य सहायक (पुरुष) या पदाचे पदोन्नती आदेश आज, दि. ४ एप्रिल, २०२४ रोजी देण्यात आले. जिल्हा परिषदेच्या मुख्यालयातील सभागृहात पदोन्नती आदेश देताना कर्मचाऱ्यांचे मुख्य कार्यकारी अधिकारी यांनी अभिनंदन करून पुढील वाटचालीसाठी शुभेच्छा दिल्या.

आरोग्य सहाय्यक पुरुष यांचे रिक्त पदांवर आरोग्य सेवक पुरुष संवर्गाच्या सेवा ज्येष्ठता यादीच्या अनुषंगाने ०७ आरोग्य सहाय्यक यांना पदोन्नती देण्यात आली. आरोग्य सहाय्यकांपैकी दोन दिव्यांग कर्मचाऱ्यांना पदोन्नती देण्यात आलेली आहे.

 यावेळी उप मुख्य कार्यकारी अधिकारी (सा.प्र.) अविनाश फडतरे, जिल्हा आरोग्य अधिकारी डॉ. गंगाधर परगे, सहाय्यक प्रशासन अधिकारी तसेच आरोग्य विभागातील अधिकारी व कर्मचारी आदी उपस्थित होते. आरोग्य कर्मचारी संघटनेचे अध्यक्ष मनोहर देवरे यांनी सर्व यंत्रणेचे यावेळी आभार मानले.

000