जेईई/नीट आणि एमएचटी-सीईटी परीक्षेची तयारी करणाऱ्या विद्यार्थ्यांनो अर्ज भरताना आवश्यक कागदपत्रांची खात्री करण्याचे आवाहन

ठाणे, प्रतिनिधी:- महात्मा ज्योतिबा फुले संशोधन व प्रशिक्षण संस्था (महाज्योती) मार्फत दिल्याजाणाऱ्या जेईई/नीट आणि एमएचटी-सीईटी मोफत ऑनलाईन प्रशिक्षण योजनेसाठी अर्ज करणाऱ्या विद्यार्थ्यांना विशिष्ट पात्रता निकष लागू करण्यात आले आहेत. ग्रामीण भागातील विद्यार्थ्यांसाठी इयत्ता 10वीमध्ये किमान 60% तर शहरी भागातील विद्यार्थ्यांसाठी 70% गुण आवश्यक असल्याचे ‘महाज्योती’चे प्र. व्यवस्थापकीय संचालक प्रशांत वावगे यांनी स्पष्ट केले. ‘महाज्योती’ कार्यालयास उपलब्ध असलेल्या निधीच्या मर्यादेनुसार आणि मा. संचालक मंडळाच्या मान्यतेनुसार, प्राप्त अर्जांमधून गुणांच्या आधारे मेरीट लिस्ट तयार करून पात्र विद्यार्थ्यांची निवड केली जाणार आहे. या योजनेसाठी नवीन अर्ज करण्यास इच्छुक विद्यार्थी तसेच आधीच अर्ज केलेल्या विद्यार्थ्यांना नॉन-क्रिमीलेयर प्रमाणपत्र, बोनाफाईड प्रमाणपत्र आणि इतर आवश्यक कागदपत्रे अपलोड करून अर्जात सुधारणा करण्यासाठी 20 जून 2025 पर्यंत मुदतवाढ देण्यात आली आहे. विद्यार्थ्यांनी www.mahajyoti.org.in या संकेतस्थळावर ऑनलाईन अर्ज करावा किंवा नागपूर येथील केंद्रीय कार्यालयात प्रत्यक्ष हजर राहून अर्ज भरावा.

अर्ज प्रक्रियेविषयीच्या अधिक माहितीसाठी 0712-2870120 / 121 या क्रमांकांवर संपर्क साधण्याचे आवाहनही महाज्योती’चे प्र. व्यवस्थापकीय संचालक प्रशांत वावगे यांनी केले आहे.

00000000000