ऑटोरिक्षा चालकाद्वारे मोटार वाहन नियमांचे उल्लंघन करून गुन्हा केल्यास-ऑटोरिक्षा चालकांविरुद्ध ऑनलाईन तक्रार करण्यासाठी व्हॉट्सॲप क्रमांक जाहीर..

ठाणे, प्रतिनिधी:- मुंबई महानगरक्षेत्र परिवहन प्राधिकरण यांच्या दि.23 जानेवारी 2025 रोजी झालेल्या बैठकीत ऑटोरिक्षाकरिता (सी.एन.जी.) 1.5 कि.मी. करिता किमान 26/-रु. प्रमाणे भाडेदरात वाढ करण्यास मान्यता दिली आहे. या मीटर भाडेदराच्या अनुषंगाने, या कार्यालयाच्या कार्यक्षेत्रातील सर्व शेअर-ए-ऑटोरिक्षा मार्गावरील शेअर भाडेदराची गणना करून दिली आहे. त्यामुळे विहित केलेल्या भाडेदरापेक्षा जादा भाड्याची मागणी करणाऱ्या ऑटोरिक्षा चालकांविरुद्ध ऑनलाईन तक्रार करण्यासाठी मोबाईल क्र.9423448824 (Whatsapp) उपलब्ध करून देण्यात आला आहे.

ऑटोरिक्षा चालकाद्वारे मोटार वाहन नियमांचे उल्लंघन करून जादा भाडे आकारणी, जादा प्रवासी वाहून नेणे, भाडे नाकारणे, प्रवाशांसी उद्धट वर्तन करणे, शिवीगाळ करणे इ. गुन्ह्यांकरिता ऑटोरिक्षा चालकाने कोणत्याही स्वरुपाचा गुन्हा केल्यास प्रवाशाने ठिकाण, दिनांक, वेळ व गुन्ह्याचे स्वरुप, फोटो इ. तपशिलासह वरीलप्रमाणे नमूद व्हॉटसअॅप 9423448824 क्रमांकावर तक्रार दाखल करावी. त्या तक्रारीची दखल घेऊन ऑटोरिक्षा चालकावर मोटार वाहन नियमाप्रमाणे कारवाई करण्यात येईल, असे कल्याण उप प्रादेशिक परिवहन अधिकारी आशुतोष बारकुल यांनी कळविले आहे.

00000