मुंबई आणि लगतच्या जिल्ह्यांमधील वस्तू आणि सेवा कर (जीएसटी) दात्यांना जुलै 2025 साठीचा जीएसटीआर -3 बी दाखल करण्याच्या अंतिम कालमर्यादेला मुदतवाढ..

 

. मुंबई प्रतिनिधी-मुंबई आणि लगतच्या जिल्ह्यांमधील वस्तू आणि सेवा कर (जीएसटी) दात्यांना जुलै 2025 साठीचा जीएसटीआर -3 बी दाखल करण्याच्या अंतिम कालमर्यादेला मुदतवाढ

केंद्रीय अप्रत्यक्ष कर आणि सीमाशुल्क मंडळाने (सीबीआयसी) जुलै 2025 या महिन्यासाठीचा जीएसटीआर -3 बी अर्ज दाखल करण्याच्या अंतिम कालमर्यादेला मुदतवाढ देणारी अधिसूचना क्रमांक. 12/2025–केंद्रीय कर दिनांक 20 ऑगस्ट 2025 जारी केली आहे.

गेले काही दिवस सुरु असलेला संततधार पाऊस आणि त्यामुळे मुंबई विभागात अनेक ठिकाणी विस्कळीत झालेले जनजीवन लक्षात घेऊन, सदर अर्ज भरण्याची विहित मुदत 27 ऑगस्ट 2025 पर्यंत वाढवण्यात आली आहे.खालील जिल्ह्यांमध्ये व्यवसायाचे मुख्य ठिकाण असलेल्या नोंदणीकृत करदात्यांसाठी सदर सुविधा देण्यात आली आहे:

मुंबई शहर /मुंबई /उपनगर/ ठाणे /रायगड/पालघरउपरोल्लेखित जिल्ह्यांतील करदात्यांना या मुदतवाढीचा लाभ घेण्याच्या तसेच विलंब शुल्क आणि दंड टाळण्यासाठी विस्तारित देय तारखेच्या आत विवरणपत्र दाखल करण्याच्या सूचना देण्यात आल्या आहेत.(दिनांक 20.08.2025 रोजी जारी सीबीआयसी अधिसूचना क्र. 12/2025 – केंद्रीय कर येथे पहा)

000000