जालन्यात प्रथमच बुद्धिबळ स्पर्धेचे रंगतदार आयोजन!जालना गणेश फेस्टिव्हल तर्फे खुली, 15 व 10 वर्षाखालील गटांत स्पर्धा – विजेत्यांना रोख पारितोषिके व ट्रॉफी
जालना (प्रतिनिधी) :
जालना शहरात रविवार दि. 31 ऑगस्ट 2025 रोजी बुद्धिबळ प्रेमींसाठी मोठा सोहळा रंगणार आहे. जालना गणेश फेस्टिव्हलच्या वतीने कल्याणराव घोगरे क्रीडा संकुल, जुना जालना येथे खुली गट तसेच 15 वर्षाखालील व 10 वर्षाखालील गटांत बुद्धिबळ स्पर्धेचे आयोजन करण्यात आले आहे. या स्पर्धेत विजेत्या खेळाडूंना आकर्षक रोख पारितोषिके व ट्रॉफी देण्यात येणार असून, सर्व स्पर्धकांना सहभाग प्रमाणपत्रही दिले जाणार आहे.
स्पर्धेतील पारितोषिके खुला गट : प्रथम – ₹2101, द्वितीय – ₹1501, तृतीय – ₹1001, 15 वर्षाखालील गट : प्रथम – ₹1501, द्वितीय – ₹1001, तृतीय – ₹701, 10 वर्षाखालील गट : प्रथम – ₹1001, द्वितीय – ₹701, तृतीय – ₹501
स्पर्धेसाठी आवश्यक अटी : स्पर्धेत सहभागी होणाऱ्या सर्व खेळाडूंनी स्वतःचा बुद्धिबळपट सोबत आणणे बंधनकारक आहे. तसेच 15 व 10 वर्षाखालील गटातील खेळाडूंनी आपला नगर परिषदेचा जन्म दाखला सोबत ठेवणे आवश्यक आहे.
* संयोजन समितीचे आवाहन *
या बुद्धिबळ महोत्सवात जास्तीत जास्त खेळाडूंनी सहभागी व्हावे, असे आवाहन जालना गणेश फेस्टिव्हलचे संस्थापक अध्यक्ष डॉ. संजय लाखे पाटील, अध्यक्ष अशोकराव आगलावे, कार्याध्यक्ष भाऊसाहेब घुगे तसेच मुख्य पंच श्री. सतीश ठाकूर व पंच श्री. कृष्णा ठाकूर यांनी केले आहे.
नावनोंदणीसाठी सतीश ठाकूर 9960640602 / 7620857664 या नंबर वर संपर्क करून नोंदणी करावी. या स्पर्धेमुळे जिल्ह्यातील लहानग्या खेळाडूंना आपले बुद्धिबळ कौशल्य सादर करण्याची मोठी संधी मिळणार आहे.
