घाणेवाडी तलाव परिसरात प्रतिबंधात्मक आदेश लागू

जालना प्रतिनिधी) :- जालना जिल्ह्यात व शहरात दि.22 सप्टेंबर 2025 रोजी नवरात्रौत्सव (घटस्थापना) व दि.2 ऑक्टोबर 2025 रोजी दसरा सण साजरा होणार आहे. तसेच दि.1 व 2 ऑक्टोबर रोजी देवी मुर्तीचे विसर्जन करीता मोतिबाग येथे तलाव व्यवस्था करण्यात आली आहे. घाणेवाडी तलावातून पिण्याचे पाणी जालना शहरात येते. तरी भारतीय नागरिक सुरक्षा संहिता 2023 चे कलम 163 अंतर्गत घाणेवाडी तलावाच्या 200 मिटर परिसरात कायदा व सुव्यवस्था राखणेकामी प्रतिबंधात्मक आदेश लागू करण्यात आला आहे. सदरील आदेश दि.2 ऑक्टोबर 2025 रोजी रात्रीचे 24 वाजेपर्यंत वाजेपर्यंत लागू राहील, असे आदेश अपर जिल्हादंडाधिकारी गणेश महाडिक यांनी जारी केले आहे.

-*-*-*-*-