दार्जिलिंग परिसरातल्या पाऊस आणि भूस्खलनाच्या पार्श्वभूमीवर पंतप्रधानांचे मदतीचे आश्वासन, आणि
दार्जिलिंगमधील पूल दुर्घटनेत झालेल्या जीवितहानीबद्दल पंतप्रधान नरेंद्र मोदी यांच्याकडून शोक व्यक्त…
नवी दिल्ली प्रतिनिधी-
पंतप्रधान नरेंद्र मोदी यांनी दार्जिलिंग आणि आसपासच्या भागात मुसळधार पाऊस आणि भूस्खलनामुळे निर्माण झालेल्या परिस्थितीबद्दल तीव्र चिंता व्यक्त केली आहे. पंतप्रधानांनी बाधित प्रदेशांना सर्वतोपरी मदत पुरवण्याच्या सरकारच्या वचनबद्धतेचा पुनरुच्चार केला आणि या नैसर्गिक आपत्तीचा प्रभाव कमी करण्यासाठी केंद्र व राज्य एजन्सी यांच्या समन्वित प्रयत्नांवर भर दिला.,मोदी यांनी ‘एक्स’ वर पोस्ट लिहिली आहे:
“मुसळधार पाऊस आणि भूस्खलनामुळे बाधित झालेल्या दार्जिलिंग आणि आसपासच्या भागातील परिस्थितीवर अधिकारी बारकाईने लक्ष ठेवून आहेत. माझ्या संवेदना शोकाकुल कुटुंबांसोबत आहेत. जखमी लवकर बरे व्हावेत अशी सदिच्छा.”
दार्जिलिंगमधील पूल दुर्घटनेत झालेल्या जीवितहानीबद्दल पंतप्रधान नरेंद्र मोदी यांच्याकडून शोक व्यक्त,
पश्चिम बंगालच्या दार्जिलिंग येथे पूल दुर्घटनेत झालेल्या जीवितहानीबद्दल पंतप्रधान नरेंद्र मोदी यांनी शोक व्यक्त केला आहे.एक्स या सामाजिक माध्यमावरील एका संदेशात पंतप्रधान म्हणाले की, “दार्जिलिंग येथे पूल दुर्घटनेत झालेल्या जीवितहानीबद्दल तीव्र वेदना होत आहेत. ज्यांनी आपले प्रियजन गमावले आहेत, त्यांच्याप्रती माझ्या संवेदना. जखमी झालेल्यांना लवकर बरे वाटो, ही प्रार्थना.
दार्जिलिंग आणि आसपासच्या भागांमध्ये मुसळधार पाऊस व भूस्खलनामुळे निर्माण झालेल्या परिस्थितीवर बारकाईने लक्ष ठेवले जात आहे. प्रभावितांना सर्वतोपरी मदत पुरविण्यास सरकार कटिबद्ध आहे. “
