घणसोली बेघर निवारा केंद्रात जागतिक बेघर दिनानिमित्त सामाजिक कृतज्ञता कार्यक्रम संपन्न
राज्य प्रतिनिधी- १० ऑक्टोबर या जागतिक बेघर दिनानिमित्त नवी मुंबई महानगरपालिकेच्या घणसोली येथील शहरी बेघर निवारा केंद्रामध्ये सामाजिक कृतज्ञता कार्यक्रम संपन्न झाला. नवी मुंबई महानगरपालिकेचे आयुक्त डॉ.कैलास शिंदे यांचे निर्देशानुसार तसेच अतिरिक्त आयुक्त सुनील पवार यांच्या नियंत्रणाखाली हा कार्यक्रम समाजविकास विभागाच्या उपायुक्त श्रीम. नयना ससाणे यांच्या मार्गदर्शनाखाली आयोजित करण्यात आला होता.
या कार्यक्रमाप्रसंगी स्टेट बँक ऑफ इंडियाच्या वतीने केंद्राकरिता टेलिव्हिजन, वॉशिंग मशीन, CCTV, लॉकर, योगा मॅट, फ्रिज इ. साहित्याचे वाटप करण्यात करण्यात आले. यावेळी स्मॉल इंडस्ट्रिज डेव्हलपमेंट बँक ऑफ इंडियाचे महाव्यवस्थापक श्री. राजेश कुमार, नगरपरिषद प्रशासन संचालनालयाचे सहआयुक्त श्री.शंकर गोरे, नगरपरिषद प्रशासन संचालनालयाच्या उपआयुक्त श्रीम.प्रणाली घोंगे आदी मान्यवर उपस्थित होते.
नवी मुंबई महानगरपालिका या बेघर निवारा केंद्राच्या माध्यमातून चांगले काम करीत असल्याबद्दल कौतुक करीत येथील व्यवस्थेबद्दलही मान्यवरांनी समाधान व्यक्त केले. स्टेट बँक ऑफ इंडियाच्या वतीने लायबिलिटी हेड श्री.रंजितकुमार मिश्रा तसेच विभागीय व्यवस्थापक श्री रोहित प्रकाश उपस्थित होते.
