ऐरोली येथे स्वयंरोजगार मेळावा संपन्न…
ठाणे, प्रतिनिधी :- संत सावतामाळी मंडळ व सृजन संवेदना फाउंडेशन यांच्या वतीने दि.1 नोव्हेंबर 2025 रोजी ऐरोली येथे स्वयंरोजगार मेळाव्याचे आयोजन करण्यात आले होते. या मेळाव्यात जिल्हा कौशल्य विकास विभागा व अण्णासाहेब पाटील आर्थिक मागास विकास महामंडळाचे स्टॉल लावण्यात आला होता. मेळाव्यास उपस्थित अभ्यागतांनी स्टॉल वर भेट देऊन विविध योजनांची माहिती जाणून घेतली
या मेळाव्याचे उद्घाटन कौशल्य विकास मंत्री मंगलप्रभात लोढा, वन मंत्री गणेश नाईक आणि अण्णासाहेब पाटील आर्थिक मागास विकास महामंडळाचे अध्यक्ष नरेंद्र पाटील यांनी केले. कार्यक्रमात परिसरातील स्वयंरोजगाराकरिता इच्छुक असणाऱ्यांना मान्यवरांनी मार्गदर्शन केले. त्याचबरोबर कौशल्य विकास रोजगार उद्योजकता आयुक्तालयाचे अनंत माळी यांनी उपस्थितांना विभागांतर्गत येणाऱ्या सर्व योजानांबद्दल माहिती दिली.
या प्रसंगी अण्णासाहेब पाटील महामंडळाचे अध्यक्ष नरेंद्र पाटील यांनी स्टॉलला भेट दिली. यावेळी जिल्हा कौशल्य विकास विभागाकडून सत्कार करण्यात आला.
या कार्यक्रमास कौशल्य विकास विभागाचे अधिकारी श्री.राजू साबळे, रोहित कुलकर्णी, माहिदीप सिंग, आकाश गोरे व अण्णासाहेब पाटील माहामंडळाचे राजेश बडे, संदेश काटकर व शुभम शिंदे हे समन्वयक उपस्थित होते.
00000
