मराठा आरक्षणासाठी खासदार संभाजीराजेंच्या नेतृत्वाखाली नांदेडमध्ये आंदोलन सुरु आहे. मराठा आरक्षणासाठी पुन्हा एल्गार पुकारण्यात आला आहे. यावेळी बोलताना संभाजी राजे म्हणाले की, हे मुक आंदोलन होतं, याआधी समाज बोललाय. मूक आंदोलनाचा अर्थ हाच होता की समाज बोललाय, भावना व्यक्त केल्या
नांदेड: प्रतिनिधी : मराठा आरक्षणासाठी खासदार संभाजीराजेंच्या नेतृत्वाखाली नांदेडमध्ये आंदोलन सुरु आहे. मराठा आरक्षणासाठी पुन्हा एल्गार पुकारण्यात आला आहे. यावेळी बोलताना संभाजी राजे म्हणाले की, हे मुक आंदोलन होतं, याआधी समाज बोललाय. मूक आंदोलनाचा अर्थ हाच होता की समाज बोललाय, भावना व्यक्त केल्या आहेत. आम्ही समन्वयकसुद्धा बोललोय. आता लोकप्रतिनिधींनी बोललं पाहिजे. एवढंच नाही तर कृती करून दाखवली पाहिजे.
आंदोलनात मोठ्या प्रमाणावर मराठा समाजातील लोकांनी गर्दी केली आहे. यावर खासदार संभाजीराजे छत्रपती यांनी नाराजीसुद्धा व्यक्त केली. दरम्यान, मराठा आरक्षणासाठीच्या आंदोलनात अशोक चव्हाण सहभागी होणार नाहीत. त्यांच्या निवासस्थानी कडेकोट पोलिसांचा बंदोबस्त तैनात करण्यात आला आहे.
