राहुरी विधानसभा मतदारसंघ पोटनिवडणूक २०२६ जिल्हास्तरीय आचारसंहिता कक्ष स्थापन
अहिल्यानगर, प्रतिनिधी – २२३, राहुरी विधानसभा मतदारसंघ पोटनिवडणूक २०२६ ची अधिसूचना निवडणूक आयोगाकडून जाहीर करण्यात आली असून, निवडणुकीच्या प्रत्यक्ष कामास सुरुवात झाली आहे. या काळात आदर्श आचारसंहितेचे काटेकोर पालन व्हावे, यासाठी जिल्हाधिकारी कार्यालयात जिल्हास्तरीय आचारसंहिता कक्ष स्थापन करण्यात आला आहे. आचारसंहितेच्या अंमलबजावणीबाबत काही तक्रारी अथवा सूचना असल्यास नागरिकांनी या कक्षाशी संपर्क साधावा, असे आवाहन कक्षाचे जिल्हा नोडल अधिकारी तथा अपर जिल्हाधिकारी शैलेश हिंगे यांनी केले आहे.
हा कक्ष जिल्हाधिकारी कार्यालयातील पाचव्या मजल्यावरील अभिप्राय कक्षात कार्यरत राहील. नागरिकांना आचारसंहितेबाबतच्या तक्रारी नोंदविण्यासाठी ०२४१-२९५४१७४ हा संपर्क क्रमांक उपलब्ध करून देण्यात आला आहे. तसेच, mccaly2024@gmail.com या ई-मेलवरही नागरिकांना आपल्या तक्रारी पाठविता येतील.
