पासपोर्ट अर्जदारांसाठी पुण्यात 8 एप्रिलला जनसंवाद सत्र
राज्य प्रतिनिधी
प्रादेशिक पासपोर्ट कार्यालय, पुणे तर्फे सर्व पासपोर्ट अर्जदारांच्या तक्रारींच्या निवारणासाठी प्रादेशिक पासपोर्ट कार्यालय, बाणेर, पुणे येथे बुधवार, 8 एप्रिल 2026 रोजी दुपारी 2.30 ते 4.30 या वेळेत जनसंवाद सत्र आयोजित करण्यात आले आहे. या जनसंवाद सत्राच्या नोंदणी प्रक्रियेसाठी अर्जदारांनी दुपारी 1.30 वाजता उपस्थित राहावे, असे प्रादेशिक पासपोर्ट कार्यालय, पुणे यांनी प्रसिध्दीपत्रकाव्दारे कळविले आहे.
जनसंवाद सत्रादरम्यान पासपोर्ट अर्जदारांना त्यांच्या पासपोर्ट अर्जांशी संबंधित शंका/ तक्रारींबाबत प्रादेशिक पासपोर्ट कार्यालयातील वरिष्ठ अधिकाऱ्यांना भेटता येईल. जनसंवाद सत्र दरम्यान प्रादेशिक पासपोर्ट कार्यालय, पुणे येथे भेट देऊ इच्छिणाऱ्या अर्जदारांनी त्यांच्या तक्रारींच्या प्रभावी निवारणासाठी आक्षेप पत्र तसेच संबंधित सर्व कागदपत्रे सोबत आणावीत, असे प्रसिध्दी पत्रकात म्हटले आहे.
00000
