आयुष ग्राम गुणवरे ता. फलटण येथे जेष्ठ नागरिकांसाठी मोफत आरोग्य तपासणी शिबीर उत्साहात संपन्न
फलटण: प्रतिनिधी आयुष ग्राम गुणवरे (ता. फलटण) येथे ‘जेष्ठ नागरिक आरोग्य तपासणी शिबिराचे’ (Geriatric Health Check-up Camp) यशस्वी आयोजन करण्यात आले होते. या शिबिराचा परिसरातील एकूण १५३ ग्रामस्थांनी लाभ घेतलाटी.बी. मुक्त ग्रामपंचायत अभियानांतर्गत शिबिरादरम्यान १०१ संशयितांचे चेस्ट एक्स-रे काढण्यात आले, ज्यामध्ये ०२ संशयित रुग्ण आढळले. तसेच ७३ जणांची मोफत नेत्र तपासणी करण्यात आली असून त्यामध्ये ०३ रुग्णांना मोतीबिंदूचे निदान झाले. याशिवाय, सर्व सामान्य ग्रामस्थांची उच्च रक्तदाब व मधुमेहासाठी मोफत रक्तशर्करा तपासणी करण्यात आली. या तपासणीत उच्च रक्तदाबाचे ०४ तर मधुमेहाचे ०५ नवीन रुग्ण आढळून आले. आवश्यक असणाऱ्या रुग्णांना मोफत आयुर्वेदिक औषधोपचार पुरवण्यात आले
या प्रसंगी उपस्थितांना बदलत्या जीवनशैलीत आयुर्वेदाचे महत्त्व आणि ऋतूनुसार दिनचर्या कशी असावी, याविषयी सखोल मार्गदर्शन करण्यात आले.
मा. वनिता आढाव (सदस्या पं स फलटण) यांच्या हस्ते धन्वतरी पुजन करणेत आले..
प्रमुख उपस्थिती व मार्गदर्शन:सदर शिबिर डॉ. संतोष कोंडके (तालुका आरोग्य अधिकारी, फलटण),डॉ. मिथुन पवार (जिल्हा आयुष अधिकारी, सातारा),आणि डॉ. गीतांजली साळुंखे (वैद्यकीय अधिकारी, आयुष्मान आरोग्य मंदिर-आयुष, गुणवरे) यांच्या प्रमुख उपस्थितीत पार पडले. या कार्यक्रमासाठी डॉ.प्रियाताई शिंदे ( जिल्हा परिषद अध्यक्ष), श्री. राजूभैय्या भोसले ( उपाध्यक्ष जिल्हा परिषद ), डॉ. सुनील चव्हाण (जिल्हा आरोग्य अधिकारी, सातारा) व डॉ. केदार कुलकर्णी (वैद्यकीय अधिकारी, प्रा. आ. केंद्र, बरड) यांचे मोलाचे मार्गदर्शन लाभले.
सदर कार्यक्रमाचे उत्कृष्ट सूत्रसंचालन डॉ. श्रीकांत सानप (समुदाय आरोग्य अधिकारी, आयुष्मान आरोग्य मंदिर, गुणवरे) यांनी केले. शिबिर यशस्वी करण्यासाठी आयुष्मान आरोग्य मंदिर (आयुष), गुणवरे तसेच प्रा आ कें बरड येथील सर्व कर्मचारी, आशा स्वयंसेविका यांनी विशेष परिश्रम घेतले.
