इस्रायल आणि लेबनॉनची १० दिवसांच्या युद्धविरामासाठी सहमती
विदेश प्रतिनिधी-इस्रायल आणि लेबनॉननं १० दिवसांच्या युद्धविरामासाठी सहमती दर्शवली असून, दक्षिण लेबनॉनमधील सिडॉन शहरात लोकांनी जल्लोष केला.लेबनॉनचे राष्ट्राध्यक्ष जोसेफ औन आणि इस्रायलचे पंतप्रधान बेंजामिन नेतन्याहू यांच्याशी झालेल्या अत्यंत सकारात्मक चर्चेनंतर हा निर्णय घेण्यात आला आहे. अमेरिकेचे राष्ट्राध्यक्ष डोनाल्ड ट्रम्प यांनी याबाबत समाजमाध्यम संदेशात ही माहिती दिली
लेबनॉनचे राष्ट्राध्यक्ष जोसेफ औन यांनी सध्याच्या युद्धविरामाचे रूपांतर दीर्घकालीन व कायमस्वरूपी करारांमध्ये करण्याचे आवाहन केले आहे. त्यांनी प्रादेशिक स्थैर्यासाठी प्रयत्न करणारे अमेरिकेचे अध्यक्ष डोनाल्ड ट्रम्प आणि इतर भागीदारांचे आभार मानले. दरम्यान
जगाच्या तेल निर्यातीकरिता अतिशय महत्त्वाच्या असलेल्या होर्मुझ सामुद्रधुनीमधील जहाजांच्या मार्गाला संरक्षित करण्यासाठी ब्रिटन आणि फ्रान्स यांनी घेतलेल्या पुढाकारामध्ये सहभागी होण्यासाठी भारतालाही निमंत्रित करण्यात आलं असल्याचं भारतानं स्पष्ट केलं आहे. परराष्ट्र मंत्रालयाचे प्रवक्ते रणधीर जयस्वाल यांनी काल नवी दिल्लीत घेतलेल्या पत्रकार परिषदेत ही माहिती दिली. जगातल्या २० टक्के तेलाच्या निर्यातीला ही सामुद्रधुनी महत्त्वाची ठरते.
त्पूर्वी, इस्रायल आणि लेबनॉन यांच्यातील शस्त्रसंधीचं भारतानं स्वागत केलं आहे. शांततेच्या दिशेने उचललेल्या प्रत्येक पावलाचं भारत नेहमीच स्वागत करतो, असं जयस्वाल यांनी सांगितलं
