माजी सैनिकांसाठी 23 मे रोजी मेळाव्याचे आयोजन

 

सातारा प्रतिनिधी : मुख्यालय महाराष्ट्र, गुजरात व गोवा क्षेत्र मार्फत १०९ इन्फंट्री बटालियन (टी. ए.) मराठा लाईट इन्फट्री या युनिट तर्फे माजी सैनिकांसाठी श्रीमंत छत्रपती अभयसिंहराजे भोसले सांस्कृतिक भवन, शेंद्रे फाटा सातारा येथे २३ मे २०२६ रोजी सकाळी ८ ते दुपारी ३ या वेळेत मेळाव्याचे आयोजन करण्यात आले आहे.

या मेळाव्यास कोल्हापूर, सांगली, सातारा, रत्नागिरी व सिंधुदुर्ग या पाच जिल्ह्यांमधून ५ हजार माजी सैनिक सहभागी होणार आहेत. माजी सैनिकांचे विविध प्रश्न जसे की पेन्शन, पोलिस सहायता व जमीन यासारख्या प्रश्नांवर समाधान करण्यासाठी संपूर्ण अभिलेख कार्यालय, जिल्हा सैनिक कल्याण कार्यालय, माजी सैनिक अंशदायी आरोग्य योजना (ECHS), जिल्हा पोलीस अधीक्षक कार्यालय, जिल्हाधिकारी कार्यालयामधून प्रतिनिधी बोलवण्यात आलेले आहेत तसेच माजी सैनिकांच्या वैद्यकीय सेवेसाठी वैद्यकीय शिबिर आयोजित केले आहे. मेळाव्यादरम्यान वीर माता, वीर पत्नी, वीर पिता व विविध युद्धात सहभागी असलेल्या सैनिकांचा सत्कार समारोह करण्यात येणार आहे. तरी सातारा जिल्ह्यातील माजी सैनिकांनी याचा लाभ घ्यावा.

 

0000