बालकांच्या मोफत शस्त्रक्रिया शिबिराचे आयोजन
सातारा आरोग्य प्रतिनिधी – राष्ट्रीय बाल स्वास्थ्य कार्यक्रम संपूर्ण जिल्हायामध्ये यशस्वीपणे राबविला जात आहे. सार्वजनिक आरोग्य विभागा मार्फत राबविल्या जाणा-या कार्यक्रमा अंतर्गत शुन्य ते अठरा वयोगटातील सर्व बालकांची मोफत आरोग्य तपासणी केली जाणार आहे. सातारा जिल्हायामध्ये एकुण ३६ आरोग्य तपासणी पथक कार्यरत आहेत. या शस्त्रक्रिया शिबिरामध्ये हार्णिया, फायमोसिस, अॅपेंडीक्स इत्यादी शस्त्रक्रिया मोफत होणार आहेत. या शिबिराचा लाभ जास्तीत जास्त लाभार्थी बालकांच्या पालकांनी घ्यावा असे आवाहन जिल्हा परिषद उपाध्यक्ष राजू भोसले यांनी केलेले आहे.
कर्तव्य सोशल ग्रुप सातारा, सायन हॉस्पीटल मुंबई, छत्रपती संभाजी महाराज शासकीय वैदयकिय महाविदयालय सातारा व स्व. क्रांतिसिंह नाना पाटील सर्वसाधरण जिल्हा रुग्णालय सातारा यांच्या संयुक्त विद्यमानाने १८ पर्यंतच्या वयोगटातील लाभार्थी बालकांचे शस्त्रक्रिया शिबिर आयोजित केलेले आहे. शिबिराचे आयोजन स्व. क्रांतिसिंह नाना पाटील सर्वसाधरण जिल्हा रुग्णालय सातारा या ठिकाणी दिनांक 15 ते 17 मे रोजी आयोजित केलेले आहे. सदर शिबिरामध्ये सायन हॉस्पीटल मधील तज्ञ डॉक्टर डॉ. संजय ओक, डॉ. पारस कोठारी व इतर तज्ञ डॉक्टर उपस्थितीत राहून शस्त्रक्रिया पार पाडणार आहेत.
000
