जिल्ह्यातील शोध व बचाव पथकांचे काटेपूर्णा प्रकल्प येथे प्रशिक्षण राज्य पथकाच्या तज्ज्ञांकडून मार्गदर्शन..
अकोला, प्रतिनिधी : जिल्हा आपत्ती व्यवस्थापन शोध व बचाव पथकांचे प्रशिक्षण काटेपूर्णा प्रकल्प येथे आज झाले.
आगामी मान्सूनकाळ लक्षात घेता पथकांचे प्रशिक्षण व साधनसामग्री तत्काळ उपलब्ध करून निर्देश जिल्हाधिकारी वर्षा मीना यांनी दिले होते. त्यानुसार तज्ज्ञ मार्गदर्शकांच्या उपस्थितीत प्रशिक्षणाचे आयोजन करण्यात आले. बार्शीटाकळीचे तहसीलदार रवींद्र कापशीकर, गटविकास अधिकारी श्री. मोरे उपस्थित होते. नागपूर येथील राज्य आपत्ती प्रतिसाद पथकाचे डी. जे, दाते, ए. ए. सिकंदर , डी.व्ही. काळे यांचे जिल्हा पथकाला मार्गदर्शन केले.
अकोला, मूर्तिजापूर, बार्शीटाकळी, पातुर, बाळापूर तालुक्यातील पोलीस, होमगार्ड, अग्निशमन विभाग कर्मचारी, तलाठी, ग्रामसेवक, स्वयंसेवी संस्था प्रतिनिधी, आपदा मित्र यांनी प्रशिक्षणात सहभाग घेतला.
पूरस्थिती निवारण शोध व बचाव प्रथमोपचार, आधुनिक बचाव साहित्य ,बोट प्रशिक्षण व प्रात्यक्षिक आदींची माहिती प्रशिक्षणात देण्यात आली. पुढील मान्सुन कालावधीच्या अनुषंगाने विविध स्तरावरील घटक प्रशिक्षित असावेत यासाठी हे प्रशिक्षण महत्वाचे ठरले,
या प्रशिक्षणात राज्य पथकाचे पोलीस निरीक्षक व आपत्ती व्यवस्थपन पथकाचे सुनील कल्ले, हरिहर निमकांडे, दीपक सदाफळे ,उमेश आटोटे,रणजीत घोगरे, विजय माल्टे, वीर भगतसिंह पथक, बचाव पथक, माँ चंडिका बचाव पथक कुरणखेड, पोपटखेड, वंदे मातरम आपत्कालीन मदत पथक आदी पथकांचे सहकारी सहभागी होते.
०००
