ठाणे दैनिक पत्रकार संघाचे अध्यक्ष दिलीप शिंदे यांचा महासभेत सत्कार
महापौर शर्मिला पिंपळोलकर यांच्या हस्ते कमिटीचा सन्मान
ठाणे, प्रतिनिधी :- ठाणे शहर दैनिक पत्रकार संघाच्या द्विवार्षिक निवडणुकीत विजयी झालेले नवनिर्वाचित अध्यक्ष दिलीप शिंदे यांचे प्रातिनिधिक स्वरूपात ठाणे महापालिकेच्या सर्वसाधारण सभेत प्रमाणपत्र, पुष्पगुच्छ देवून महापौर शर्मिला पिंपळोलकर, उपमहापौर कृष्णा पाटील यांनी सन्मानित केले. यावेळी त्यांनी सर्व विजयी उमेदवारांना पुढील वाटचालीसाठी शुभेच्छा दिल्या.
यावेळी सभागृह नेते हणमंत जगदाळे, विरोधी पक्ष नेते शानू पठाण, अतिरिक्त आयुक्त संदीप माळवी, अतिरिक्त आयुक्त प्रशांत रोडे, शिवसेना गटनेते पवन कदम, नगरसेवक राम रेपाळे, मनोज शिंदे, भरत चव्हाण, दीपक जाधव, संजय भोईर, नगरसेविका मीनल संख्ये, उषा वाघ, गटनेते अभिजीत पवार उपस्थित होते.
या निवडणुकीत विजयी झालेले ठाणे शहर दैनिक पत्रकार संघाचे नवनिर्वाचित अध्यक्ष दिलीप शिंदे, कार्याध्यक्ष दीपक शेलार, उपाध्यक्ष निलेश मंडलीक, सरचिटणीस राजीव डाके, सहचिटणीस प्रसाद सकट, खजिनदार राजेश शेटकर, कार्यकारिणी सदस्य निकेश शार्दुल, गजानन हरिमकर, सचिन देशमाने, अमर राजभर, प्रफुल्ल गांगुर्डे, नितिन दूधसागर, कार्यकारिणी सदस्य (महिला) सारिका साळुंखे यांचा सन्मान महापौर शर्मिला पिंपळोलकर यांच्या हस्ते महापौर दालनात करण्यात आला.
तसेच ठाणे शहर दैनिक पत्रकार संघाचे नवनिर्वाचित अध्यक्ष दिलीप शिंदे यांचा प्रातिनिधीक स्वरुपात सर्वसाधारण सभेत महापौर शर्मिला पिंपळोलकर, उपमहापौर कृष्णा पाटील, सभागृह नेते हणमंत जगदाळे, विरोधी पक्ष नेते शानू पठाण, शिवसेना गटनेते पवन कदम, नगरसेवक राम रेपाळे आदी उपस्थित होते.
0000000000
