घणसोलीत सार्वजनिक ठिकाणी डेब्रिज टाकणारी दोन वाहने जप्त करीत 60 हजार रककमेची दंडात्मक कारवाई
नवी मुंबई प्रतिनिधी स्वच्छ व सुंदर शहराचा नवी मुंबईचा लौकिक वाढविण्यासाठी महापालिका आयुक्त डॉ.कैलास शिंदे यांच्या मार्गदर्शनाखाली दैनंदिन स्वच्छतेवर लक्ष ठेवण्यासोबतच सार्वजनिक भागात अनधिकृतपणे टाकण्यात येणारा राडारोडा व पाडकाम साहित्याचे डेब्रिज टाकले जाऊ नये याकडे बारकाईने लक्ष ठेवले जात आहे. याकरिता दोन्ही परिमंडळनिहाय भरारी पथके कार्यान्वित असून त्यांच्यामार्फत डेब्रिजविरोधी कार्यवाही सुरु असते.
अशाच प्रकारे घणसोली महिला सक्षमीकरण केंद्राजवळ डेब्रिज टाकले जात असल्याची तक्रार महानगरपालिकेस व्हॉट्सॲपवर प्राप्त झाली होती. त्या अनुषंगाने परिमंडळ 2 च्या भरारी पथकाने उपआयुक्त डॉ.कैलास गायकवाड यांच्या निर्देशानुसार त्वरित कार्यवाही करीत दोन डंपर वाहने जप्त केली आहेत. या वाहन मालकांकडून प्रत्येकी रु. 30 हजार याप्रमाणे एकूण रु. 60 हजार इतकी दंडात्मक रक्कम वसूल करण्यास येत आहे.
नवी मुंबई हे आपले शहर स्वच्छ व सुंदर रहावे याकरिता नागरिकांचे सक्रिय योगदान अपेक्षित असून नागरिकांनी बांधकाम सुरु असल्यास आपले पाडकाम साहित्य नवी मुंबई महानगरपालिकेच्या तुर्भे येथील घनकचरा व्यवस्थापन प्रकल्पस्थळी असलेल्या सी ॲन्ड डी वेस्ट प्रकल्पाठिकाणी दयावे असे आवाहन नागरिकांना करतानाच डेब्रिजव्दारे शहर विद्रुपीकरण करणाऱ्या व्यक्ती/संस्था यांच्या विरोधात दंडात्मक तसेच कायदेशीर कारवाई करण्यात येईल याची नोंद घ्यावी असे नवी मुंबई महानगरपालिकेच्या वतीने सूचित करण्यात येत
आहे00000
