पुणे येथील*राजगुरुनगर मधील पीडित मुलींच्या कुटुंबियांची केंद्रीय राज्य मंत्री रामदास आठवले यांनी घेतली सांत्वनपर भेट*
मुंबई प्रतिनिधी – पुणे येथील राजगुरुनगर मध्ये राहणाऱ्या अल्पवयीन मुलींवर नराधमाने अत्याचार करून त्यांची हत्या केल्याची मानवतेला काळीमा फासणारी घटना घडली. अत्याचारात बळी गेलेल्या मुली या सख्ख्या बहिणी होत्या.पीडित मुलींच्या शोकाकुल कुटुंबीयांची आज रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री ना.रामदास आठवले यांनी सांत्वनपर भेट घेतली.यावेळी पीडित मुलींच्या आई वडिलांना धीर दीला.राज्य सरकार तर्फे सांत्वनपर 10 लाखांचा निधी जाहीर झाला असून तो पीडित कुटुंबीयांना त्वरित मिळवून देण्याचे आश्वासन ना. रामदास आठवले यांनी दिले.रिपब्लिकन पक्षा तर्फे सांत्वनपर निधी देण्याचे आश्वासन ना.रामदास आठवले यांनी यावेळी दिले.
8 आणि 9 वर्षांच्या अजाण मुलींवर अत्याचार करणाऱ्या निर्घृण हत्या करणाऱ्या आरोपीला फाशीची कठोर शिक्षा केली पाहिजे अशी मागणी ना.रामदास आठवले यांनी केली आहे. नराधम आरोपीला तात्काळ पोलिसांनी अटक करून पोलिसांनी चांगली कामगिरी केली.
यावेळी भटक्या विमुक्त समाजाच्या शिष्टमंडळाने ना.रामदास आठवले यांची भेट घेऊन भटक्या विमुक्त समाजाला सुद्धा एट्रोसिटी ॲक्ट चे संरक्षण मिळावे या मागणीचे निवेदन दिले.यावेळी रिपब्लिकन पक्षाचे पुणे ग्रामीण जिल्हा अध्यक्ष श्रीकांत कदम उपस्थित होते.
