जवाहर नवोदय विद्यालयात इयत्ता सहावी प्रवेशासाठी ऑनलाइन अर्ज प्रक्रिया सुरू

बुलडाणा, प्रतिनिधी: पीएम श्री स्कूल जवाहर नवोदय विद्यालयात इयत्ता सहावी प्रवेशासाठी घेण्यात येणाऱ्या निवड चाचणी परीक्षेचे ऑनलाइन अर्ज भरण्याची प्रक्रिया सुरू झाली आहे. संपूर्ण निवासी स्वरूपाचे शैक्षणिक सत्र 2026-27 करीता पात्र विद्यार्थ्यांनी 29 जुलैपर्यंत ऑनलाइन पद्धतीने अर्ज करावा, असे आवाहन श्री स्कूल जवाहर नवोदय विद्यालयाचे प्राचार्य आर.आर.कसर यांनी केले आहे.

पात्रता : विद्यार्थी इयत्ता पाचवीमध्ये 2025-26 सत्रात बुलडाणा जिल्ह्यातील सरकारमान्य शाळेत शिकत असावा. विद्यार्थ्याचे पालक हे बुलडाणा जिल्ह्याचेच रहिवासी असावेत. जन्मतारीख 1 मे 2014 ते 31 जुलै 2016 (दोन्ही तारखा धरून) या दरम्यानची असावा, विद्यार्थ्यांने इयत्ता तिसरी, चौथी, पाचवी सलग सरकारमान्य शाळेतून शिकलेले व उत्तीर्ण असावा.आवश्यक कागदपत्रे: विद्यार्थी व पालकांच्या स्वहस्ताक्षरीत सही व छायाचित्र जेपीजी फॉरमॅटमध्ये स्कॅन करून अपलोड करावे, अनुसूचित जाती (SC), जमाती (ST) व इतर मागासवर्गीय (OBC) प्रवर्गातील विद्यार्थ्यांनी जात प्रमाणपत्र अपलोड करणे आवश्यक.

परीक्षेची तारीख शनिवार दि. 13 डिसेंबर 2025 असून अर्ज www.navodaya.gov.in या संकेतस्थळावर नि:शुल्क भरु शकता. सर्व इच्छुक पालक व विद्यार्थ्यांनी या संधीचा लाभ घ्यावा, असे आवाहन करण्यात येत आहे.

 

00000