मुरूड तालुक्यात ४ ऑगस्ट रोजी “छत्रपती शिवाजी महाराज महाराजस्व अभियान” अंतर्गत महसुल शिबिरांचे आयोजन..

रायगड प्रतिनिधी– महसुल विभागामार्फत संपूर्ण राज्यात १ ऑगस्ट २०२५ रोजी “महसुल दिन” व १ ते ७ ऑगस्ट २०२५ या कालावधीत “महसुल सप्ताह-२०२५” साजरा करण्यात येणार आहे.

या पार्श्वभूमीवर मुरूड तालुक्यात दि. ४ ऑगस्ट २०२५ रोजी “छत्रपती शिवाजी महाराज महाराजस्व अभियान” अंतर्गत मुरुड, नांदगाव व बोर्ली महसुल मंडळांमध्ये विशेष शिबिरांचे आयोजन करण्यात आले आहे.या शिबिरांमध्ये समाजातील सर्व घटकांना आधार कार्ड, उत्पन्न प्रमाणपत्र, जात व अधिवास प्रमाणपत्र, रेशन कार्ड, सामाजिक कल्याण योजनांचा लाभ तसेच अ‍ॅग्रीस्टॅक योजनेअंतर्गत फार्मर आयडी तयार करणे आदी महसुल विभागाशी संबंधित सेवा दिल्या जाणार आहेत.

नागरिकांनी या शिबिरांचा लाभ घ्यावा व अधिकाधिक सहभाग नोंदवावा, असे आवाहन तहसीलदार मुरुड, आदेश डफळ यांनी केले आहे.

००००