सैनिक कल्याण विभागातील लिपिक टंकलेखक पदाची परीक्षा आता २३ मार्च रोजी

राज्य प्रतिनिधी-

सैनिक कल्याण विभाग तसेच विभागाच्या अधिपत्याखालील जिल्हा सैनिक कल्याण कार्यालयांमधील लिपिक टंकलेखक (गट-क) सरळसेवेतील पदांसाठी आयोजित करण्यात आलेली ऑनलाईन परीक्षा पुढे ढकलण्यात आली आहे.

टी.सी.एस. आयओएन मार्फत होणारी ही परीक्षा पूर्वी दिनांक १४ मार्च २०२६ रोजी दुपारी १.०० ते ३.०० या वेळेत आयोजित करण्यात आली होती. मात्र त्याच दिवशी पोलीस भरती परीक्षा असल्याने सदर परीक्षा आता दिनांक २३ मार्च २०२६ रोजी दुपारी १.०० ते ३.०० या वेळेत घेण्यात येणार आहे.

उमेदवारांनी संबंधित दिवशी परीक्षा केंद्रावर वेळेत उपस्थित राहावे, असे आवाहन जिल्हा सैनिक कल्याण अधिकारी, पुणे तथा उपसंचालक (सैनिकीकरण), सैनिक कल्याण विभाग, लेफ्टनंट कर्नल सतेश देवानराव हंगे (नि.) यांनी केले आहे.

00000