महिलांसाठी विशेष रोजगार मेळाव्याचे आयोजन
सातारा प्रतिनिधी: जिल्हा कौशल्य विकास रोजगार व उद्योजकता मार्गदर्शन केंद्र, सातारा व छेडा इलेक्ट्रीकल्स ॲण्ड इलेक्ट्रॉनिक्स प्रा.लि. शिरवळ यांच्या संयुक्त विद्यमाने सातारा जिल्हयातील बेरोजगार महिला उमेदवारांसाठी २६ सप्टेंबर २०२५ रोजी पंडीत दिनदयाल रोजगार मेळाव्याचे आयोजन संत तुकाराम कबुले हॉल, श्री केदारेश्वर मदिंरजवळ शिरवळ, ता. खंडाळा येथे करण्यात आले आहे.
या महिला रोजगार मेळाव्यात १२वी , पदवीधर, आयटीआय सर्व ट्रेड, डिप्लोमा, पदवी, इंजिनियर अशा प्रकारचे २२५ पेक्षा जास्त रिक्त पदे https://rojgar.mahaswayam.gov.in या संकेत स्थळावर अधिसुचित केली आहेत. मेळाव्यात सहभागी झालेल्या उमेदवारांच्या प्रत्यक्ष मुलाखती घेण्यात येणार आहेत. तरी नोकरी इच्छुक महिला उमेदवारांनी आपली शैक्षणीक कागदपत्रे घेवुन उपस्थित राहण्याचे आवाहन सहायक आयुक्त सुनिल पवार यांनी केले आहे. याबाबत काही अडचन असल्यास कार्यालयाचा दुरध्वनी क्रमांक ०२१६२- २३९९३८ वर संपर्क साधावा.
0000
