नीट यूजी पेपरफुटी प्रकरणात सीबीआयने आणखी एका आरोपीला अटक
राज्य प्रतिनिधी-नीट यूजी पेपरफुटी प्रकरणात सीबीआयने आणखी एका आरोपीला अटक सखोल चौकशीनंतर पुण्यातील वनस्पतीशास्त्राच्या वरिष्ठ प्राध्यापिका मनीषा मांढरे यांना दिल्लीत अटक करण्यात आली आहे. त्या नीट यूजी २०२६ परीक्षा प्रक्रियेत तज्ञ म्हणून सहभागी होत्या आणि एनटीएद्वारे नियुक्त करण्यात आल्या होत्या. त्यामुळे त्यांच्याकडे वनस्पतीशास्त्र आणि प्राणीशास्त्र विषयांच्या प्रश्नपत्रिका उपलब्ध असल्याचे समोर आले आहे.
या प्रकरणात कालच मुख्य सूत्रधार रसायनशास्त्राचे प्राध्यापक पी. व्ही. कुलकर्णी याला अटक करण्यात आली होती. आतापर्यंत दिल्ली, जयपूर, गुरुग्राम, नाशिक, पुणे आणि अहिल्यानगर येथून एकूण ९ आरोपींना अटक करण्यात आली आहे.
