राष्ट्रीय इलेक्ट्रॉनिकी एवं सुचना प्रौद्योगीकी संस्थान येथे मंगळवारी (दि.१६) पंडीत दीनदयाल उपाध्याय रोजगार मेळाव्याचे आयोजन
छत्रपती संभाजीनगर, प्रतिनिधी जिल्हा कौशल्य विकास, रोजगार व उद्योजकता मार्गदर्शन केंद्र व राष्ट्रीय इलेक्ट्रॉनिकी एवं सुचना प्रौद्योगीकी संस्थान यांच्या संयुक्त विद्यमाने मंगळवार दि.१६ रोजी पंडीत दीनदयाल उपाध्याय रोजगार मेळावा आयोजित करण्यात आला आहे. राष्ट्रीय इलेक्ट्रॉनिकी एवं सुचना प्रौद्योगीकी संस्थान, डॉ. बाबासाहेब आंबेडकर मराठवाडा विद्यापीठ परीसर, छत्रपती संभाजीनगर येथे हा मेळावा होणार आहेया मेळाव्यात छत्रपती संभाजीनगर येथील नामांकीत कंपनीचे प्रतिनिधी उपस्थित राहून मुलाखती घेणार आहेत. त्यात सुदर्शन सौर शक्ती प्रा.लि., बजाज ॲटो लिमिटेड, संजिव ऑटो पार्ट्स मॅन्यूफॅक्चरींग प्रा.लि., मेटलमन ऑटो लि., यशश्री प्रेस कॉम्प्स प्रा.लि., औरंगाबाद ऑटो ॲन्सीलरी प्रा.लि. वाळूज, स्टरलाईट टेक्नोलॉजी लिमिटेड, ग्रीव्हज कॉटन लिमिटेड,, व्हर्लपूल ऑफ इंडिया लिमिटेड, एल ए पि एल अॅटोमोटिव लिमिटेड, ग्रोमेट सर्व्हिसेस प्रा.लि., बीजी-लीइन इलेक्ट्रीकल्स लि., गरवारे हायटेक प्रा.लि., रेहेल्को कंपनी, रत्नप्रभा मोटर्स, व्हेरॉक इंजिनिअरिंग लिमिटेड, एस एस कंट्रोल, वाळूज, साई मॅनपावर सर्व्हिसेस प्रा.लि., अलाईड रिसोर्स मॅनेजमेंट सर्व्हिसेस, अभिनव इंस्टीटयूट ऑफ टेक्नोलॉजी, नेक्स्लीड कंन्सल्टींग प्रा.लि., एक्सेल प्लेसमेट, हेडहंटर्स, जय इंटरप्रायझेस, एस डब्ल्यू मल्टीमिडिया, यशस्वी अकॅडमी फॉर स्कील्स, नरसिम्हा इंडस्ट्रीअल ट्रेनींग ॲड प्लेसमेंट लि. अशा विविध २७ आस्थापना कडून ३४१५ रिक्तपदे प्राप्त झाली असून ते प्रत्यक्ष उपस्थित राहून मुलाखत घेणार आहे. त्यासाठी कोणत्याही शाखेची पदवी, इंजिनीअरींग, डिप्लोमा, आय टी आय, एच एस सी, एस एस सी उतीर्ण इत्यादी पात्रताधारक युवक युवतींसाठी शैक्षणिक व व्यावसायिक पात्रतेनुसार
रोजगाराच्या संधी उपलब्ध होणार आहेत.
या मेळाव्यात सहभागी होण्यासाठी विभागाच्या www.rojgar.mahaswayam.gov.in या संकेतस्थळावर उपलब्ध रिक्तपदांना एम्प्लॉयमेंट नोंदणी असलेल्या उमेदवारांनी युजरआयडी व पासवर्ड ने लॉग इन होऊन ऑनलाईन अप्लाय करावे किंवा बायोडाटाच्या २७ प्रती घेऊन प्रत्यक्ष मुलाखतीसाठी उपस्थित राहावे.
संकेतस्थळावर नोंदणी करताना अथवा रिक्तपदांसाठी अप्लाय करताना काही अडचण आल्यास कार्यालयाच्या दुरध्वनी क्रमांक 0240-2954859 वर कार्यालयीन वेळेत संपर्क साधावा. गरजू युवक युवतींनी मेळाव्यास उपस्थित राहून मुलाखती देऊन रोजगार संधीचा लाभ घ्यावा,असे आवाहन सहायक आयुक्त राजू वाकडे यांनी केले आहे.
०००००
