दिव्यांगासह इतर तरुण तरुणीसाठी रोजगार मेळाव्याचे आयोजन

 ( सुरेश गायकवाड ) राज्य प्रतिनिधी मुंबई- समर्थनम ट्रस्ट फॉर डिसेबल्डतर्फे रामनिरंजन झुनझुनवाला कला महाविद्यालयात 12 नोव्हेंबर 2024 रोजी सकाळी 9.00 ते दुपारी 3 .00 वा. सायन्स अँड कॉर्मस स्टेशन रोड घाटकोपर रेल्वे स्टेशन समोर घाटकोपर पश्चिम मुंबई- ४०००८६ येथे दिव्यांगासह इतर तरुण – तरुणीसाठी रोजगार मेळाव्याचे आयोजन करण्यात आले असल्याचे या संस्थेचे समन्वयक जितेंद्र कर्णिक यांनी आयोजित केलेल्या मुंबई मराठी पत्रकार संघात पत्रकार परिषदेत सांगितले . त्यावेळेस त्यांचे सहकारी ऋषिकेश पवार , तेजल हांडे उपस्थित होते .

  त्यावेळेस त्यांनी सांगितले की , १९९७ रोजी समर्थनाम ट्रस्ट फॉर द डिसेबल या संस्थेची स्थापना झाली . तेंव्हापासून या संस्थेने दिव्यांगासाठी दर्जदार शिक्षण, निवास , पौष्टिक आहार , व्यावसायिक प्रशिक्षण आणि प्लेसमेंट आधारीत पुनर्वसन प्रदान करण्यावर भर देऊन विविध उपक्रमांद्वारे त्यांना सक्षम करण्यासाठी कार्य करण्यावर भर दिला आहे .

या संस्थेने कर्नाटक, दिल्ली / एनसीआर , तेलंगणा, तामिळनाडू , आंध्रप्रदेश , महाराष्ट्र , मध्यप्रदेश आदी अनेक शहरात रोजगार मेळाव्याचे आयोजन करण्यात येणार असल्याचे त्यांनी सांगून सन 2030 पर्यंत 1 लाख दिव्यांग आणि गरजू, वंचित आदी तरुण तरुणीसाठी काम करणार असल्याचा मनोदय व्यक्त केला . या रोजगार मेळाव्यात कमीत कमी 10 वी ते पोस्ट ग्रॅज्युएशन शैक्षणिक पात्रता असलेल्यांना त्याचा लाभ घेता येईल असेही त्यांनी सांगितले   एवढेच नव्हें तर या संस्थेचे मुख्यालय बंगलोर येथे असून ‘ नेरूळ , नवी मुंबई व वाघोली पुणे याठिकाणी 3 महिने निवासी प्रशिक्षण देण्यात येते . त्यावेळी त्या प्रशिक्षणार्थीना मोफत जेवणाची ही व्यवस्था केली जाते. अर्थात त्यांना आत्मनिर्भर करण्यावर भर दिला जातो असे त्यांनी सांगितले .