ठाणे जिल्हा परिषदेच्या केंद्र प्रमुखांना वरिष्ठ वेतनश्रेणीचा लाभ मंजूर..
प्रतिनिधी(जिल्हा परिषद, ठाणे)- जिल्हा परिषद अंतर्गत शिक्षण विभागातील १४ केंद्र प्रमुखांना वरिष्ठ वेतनश्रेणीचा लाभ मंजूर करण्यात आले असून त्यातील ३ सेवानिवृत्त केंद्र प्रमुख यांना देखील लाभ मंजूर करण्यात आला आहे. जिल्हा परिषदे मुख्य कार्यकारी अधिकारी यांच्या मार्गदर्शना खाली शिक्षकांना विविध लाभ देणे बाबत विशेष पाठपुरावा करण्यात येत आहे.
शिक्षण प्राथमिक विभागातील केंद्र प्रमुख म्हणून एका पदावर १२ वर्ष सेवा पूर्ण झाल्याने वरिष्ठ वेतनश्रेणीचा लाभ मंजूर करण्यात आला आहे. शिक्षकांना दिल्या जाणाऱ्या विविध लाभ याबाबत विशेष पाठपुरावा वेळोवेळी मुख्य कार्यकारी अधिकारी करत असल्याने शिक्षण विभागातील १४ केंद्र प्रमुख यांना वरिष्ठ वेतनश्रेणीचा लाभ मंजूर करण्यात आला आहे. याबाबत संबंधित शिक्षक व केंद्रप्रमुख संघटना यांनी मुख्य कार्यकारी अधिकारी रोहन घुगे व शिक्षणाधिकारी (प्राथ) बाळासाहेब राक्षे यांचे आभार व्यक्त केले आहेत.000
