डाक विभागाची मुंबई येथे 5 मार्चला पेंशन अदालत

            सांगली, प्रतिनिधी : भारतीय डाक विभागाची सर्कल स्तरावरील सहामाही पेंशन अदालत दि. 5 मार्च 2025 रोजी सकाळी 11.30 वाजता आयोजित केली आहे, अशी माहिती प्रवर अधीक्षक डाकघर सांगली यांनी प्रसिध्दीपत्रकाव्दारे दिली.  निवृत्तीवेतनधारकांच्या लाभाशी संबंधित तक्रारी, जे टपाल विभागातून निवृत्त झाले आहेत, ज्यांचा सेवेत असताना मृत्यू झालेला आहे, टपाल विभाग, महाराष्ट्र आणि गोवा राज्यांचे निवृत्तीवेतनधारक ज्यांचे 3 महिन्यांच्या आत पूर्तता झालेली नाही, अशा प्रकरणांचा डाक पेंशन अदालत मध्ये विचार केला जाणार आहे. निवृत्तीवेतनधारकांनी विहीत नमुन्यात अर्जाच्या तीन प्रती लेखा अधिकारी, / सचिव पेंशन अदालत, मुख्य पोस्टमास्तर जनरल कार्यालय, महाराष्ट्र सर्कल, मुंबई जीपीओ भवन, दुसरा मजला, मुंबई-400001 येथे 14 फेब्रुवारी 2025 रोजी किंवा त्यापूर्वी पाठवावी. 14 फेब्रुवारी नंतर मिळालेल्या अर्जावर पेंशन अदालतमध्ये विचार करण्यात येणार नसल्याचे प्रसिध्दी पत्रकात स्पष्ट केले आहे.

00000