अनुसूचित जाती जमाती आयोगाचे उपाध्यक्षॲड. धर्मपाल मेश्राम यांनी घेतली पीडित कुटुंबियांची भेट..

जालना, प्रतिनिधी :- महाराष्ट्र राज्याच्या अनुसूचित जाती जमाती आयोगाचे उपाध्यक्ष तथा सदस्य (सचिव दर्जा) ॲड. धर्मपाल मेश्राम यांनी जालना येथील रमाबाई नगरातील हत्या झालेल्या मोनिका झांबरे-निर्मळ यांच्या कुटुंबियांची भेट घेत आस्थेवाईकपणे विचारपूस केली.

यावेळी समाज कल्याण सहायक आयुक्त प्रदीप भोगले, पोलिस उपअधिक्षक दिलीप भागवत, पोलिस निरीक्षक एस.के.माने, ज्ञानदेव नागरे, दिनकर घेवांदे यांच्यासह पीडितेच्या कुटुंबियांची उपस्थिती होती.

मयत मोनिका यांच्या कुटुंबियांची आस्थेवाईकपणे विचारपूस करत मुलीची नोकरी, वैवाहिक जीवन, शैक्षणिक तसेच आर्थिक पार्श्वभूमी जाणून घेतली. मयत मोनिका या छत्रपती संभाजीनगर येथे परिचारिका म्हणून काम करत होत्या. तसेच त्या अनुसूचित जातीमधील असल्याने त्यांना शासकीय मदत देण्यात येईल असेही त्यांनी सांगितले. यावेळी मयत मुलीच्या आई-वडिलांसह कुटुंबियांनी यावेळी या सर्व प्रकरणाचा सखोल तपास करत न्याय देण्याची विनंती केली. यावर ॲड. मेश्राम यांनी शासनस्तरावरुन सर्वोतोपरी मदतीसह तपासाला सहकार्य करण्याचे आश्वासनही त्यांनी यावेळी दिले

00.0000