काशिमिरा पोलिसांच्या गुन्हे शाखेची मोठी कारवाई: २२.३३ कोटींचे कोकेन जप्त, दोन परदेशी नागरिकांसह एका भारतीय महिलेला अटक. पोलिसांकडून आंतरराष्ट्रीय टोळीचा पर्दाफाश..
प्राप्त माहितीनुसार-काशिमिरा गुन्हे शाखा युनिट-१ ने ड्रग्ज तस्करीविरुद्ध मोठी कारवाई करताना २२.३३ कोटी रुपयांचे कोकेन आणि रोख रक्कम जप्त केली आहे. या कारवाईत दोन परदेशी नागरिकांसह एका भारतीय महिलेला अटक करण्यात आली आहे.
काशिमिरा गुन्हे शाखेला गुप्त माहिती मिळाली की सबिना शेख (वय ४२ वर्षे, रा. मोतीलाल नगर, भाईंदर पूर्व) नावाची एक महिला तिच्या घरात कोकेन लपवून विक्रीच्या तयारीत आहे. माहितीच्या आधारे छापा टाकण्यात आला, ज्यामध्ये ११ किलो ८३० ग्रॅम कोकेन (किंमत सुमारे १७.७४ कोटी रुपये) आणि ८०,००० रुपये रोख रक्कम जप्त करण्यात आली.
तपासादरम्यान असे दिसून आले की हे कोकेन नायजेरियन नागरिक अँडी उबाबुदिके ओनयिनसे (वय ४५, रा. मिरारोड पूर्व) याने महिलेला दिले होते. त्यालाही अटक करण्यात आली आहे. त्याच्याकडून २ किलो ६०४ ग्रॅम कोकेन (सुमारे ३.९० कोटी रुपये किमतीचे) आणि १.०४ लाख रुपये जप्त करण्यात आले.
पुढील तपासात असे आढळून आले की अँडीने हे कोकेन कॅमेरूनच्या नागरिक क्रिस्टेबेल एन्जेई (वय ३२, रा. वसई पूर्व) कडून घेतले होते. त्यालाही अटक करण्यात आली आणि त्याच्याकडून ४३३ ग्रॅम कोकेन (६४.९८ लाख रुपये किमतीचे), १ लाख रोख आणि परकीय चलन जप्त करण्यात आले.
काशिमीरा गुन्हे शाखा युनिट-१ च्या पथकाने ही महत्त्वाची कारवाई यशस्वीरित्या पार पाडली आणि आंतरराष्ट्रीय ड्रग्ज रॅकेटचा पर्दाफाश केला.या कारवाईत वसई-विरारचे पोलीस आयुक्त मीरा-भाईंदर, श्री. मधुकर पांडे (पोलीस आयुक्त), श्री. दत्तात्रेय शिंदे (उच्च पोलीस आयुक्त), श्री. अविनाश अंबुरे (उपआयुक्त, गुन्हे), श्री. मदन बल्लाळ (सहायक पोलीस आयुक्त, गुन्हे), श्री. भास्कर लांडगे, पुष्पेंद्र थापा आणि कॉन्स्टेबल अश्विन अस्वले यांच्या मार्गदर्शनाखाली ही कारवाई करण्यात आली.
पोलीस उपनिरीक्षक उमेश भागवत (गुन्हे शाखा युनिट-१, काशिमीरा) यांच्या नेतृत्वाखाली शोध आणि छापेमारीची कारवाई करण्यात आली. निरीक्षक प्रमोद बडख, पीएसआय संदीप शिंदे, एपीआय अशोक पाटील, अविनाश गर्ज पाटील, सुधीर खोत, सचिन हुले, योमत विसपुते, धीरज मेंगणे, गौरव बारी, सौरभ इंगळे आणि महिला अधिकारी दीपाली जाधव, संतोष चव्हाण (सायबर गुन्हे) आणि किरण अस्वले यांनीही सहकार्य केले.
